Labidakas 6:10 - Kriol Baibul

¹⁰ En det serramonimen garra werrimon ol detlot speshalwan klos deibin meigim brom det gudwan matiriyal, en im garra deigimat det grisiwan eshis brom det teibul blanga ofring, en pudum detlot eshis wansaid langa det teibul.

Labidakas 6:10 Iomraidhean Croise

Ola Saam 20:3

Larram YAWEI jinggabat ola ofring brom yu gudbinjiwei, en jidan gudbinji garram ol yu barnapwan sekrifais ofring du.

Ola Saam 37:20

Bat ola nogudbala pipul garra dai. Detlot enami blanga YAWEI garra binij du, jis laik detlot wailwan purdiflawa. Olabat garra binij jis laik det smok.

Isikiyel 44:19

En bifo olabat garra kamat en joinap garram det najalot pipul langa det atsaidwan kotyad, dei garra deigimat detlot speshalwan klos en pudumwei detlot klos langa detlot seikridwan rum wulijim nobodi kaan tatjimbat detlot seikridwan klos. If enibodi tatjim wal dei garra git panish.

Labidakas 1:13

En im garra washim det binjipat insaidwei en dubala biyainwan leig du en det serramonimen garra gibit det ofring langa mi na YAWEI en barnim holbit langa det teibul blanga ofring. Det smel blanga det ofring garra meigim mi brabli gudbinji.

Labidakas 1:9

En im garra washim det binjipat insaidwei en det dubala biyainwan leig, en det serramonimen hu lukaftumbat det serramoni garra barnimap holbit langa det teibul blanga ofring. En det smel blanga det ofring garra meigim mi brabli gudbinji.

Labidakas 16:4

“Bifo Eran garra go langa det Brabli Seikridwan Rum, im garra abum bogi en im garra werrimon speshalwan klos blanga serramonimen weya im oldei werrimon, det longwan kout, en shotwan trasis en belt en raunwan het deibin meigim brom det gudwan matiriyal.

Labidakas 2:11

“Wal nomo eni sid daga ofring yu gibit langa mi, im kaan abum eni raising. Wal yu kaan yusumbat eni raising o shugabeig langa eni ofring wen yu gibit langa mi.

Labidakas 21:22

Bat ol detlot men gin dagat det daga garram mi, det seikridwan sid daga ofring, en det brabli seikridwan sid daga ofring.

Labidakas 4:12

en im garra deigim atsaid brom olabat kemp en pudum langa det klinwan pleis blanga serramoni weya deibin oldei pudum detlot eshis. En deya na det serramonimen garra barnimbat holot langa faiya wud.

Labidakas 6:11

En afta im garra tjeinjim im klos en deigim detlot eshis atsaid brom olabat kemp langa det pleis weya im jidan klinbala blanga serramoni.

Labidakas 6:18

Wal ol detlot sanmob blanga Eran garra oldei dagadagat det sid daga ofring weya najalot pipul bin gibit langa mi. En enibodi mowa hu tatjimbat det sid daga ofring garra jidan brabli seikridwan.

Labidakas 6:22

Wal ol detlot sanmob blanga Eran hu jidan haibala serramonimen garra abum dijan ofring olataim wen im jidan haibala serramonimen. En dei garra barnimap holot blanga det sekrifais blanga mi.

Labidakas 8:2

“Yu garra deigim Eran en im sanmob langa det dowawei langa det Seikridwan Tent blanga main, en yu garra bringimap detlot serramoni klos, en det speshalwan oliboil, en wanbala yangwan boiwan buligi blanga det ofring blanga nogudbalawei, en det dubala dediwan ship, en det baskit garram damba weya im nomo garram raising.

Nambas 16:21

“Yunbala jandap longwei brom dislot pipul dumaji ai garra binijimap olabat streidawei na.”

Nambas 16:35

En streidawei YAWEI bin jandim faiya, en bin barnimap det 250 wekinmen blanga Kora hubin bringimap det gudsmelwan medisin langa im.

Rebaleishan 19:14

Bigbala shapwan naif bin kamat brom im mawus, en garram det naif im garra kilimbat ebri kantri. Im garra jidan adbala bos blanga olabat, en im garra panishim olabat brabliwei wen God garra gitwail langa olabat. God im brabli strongbala, en wen im gitwail, im wail nomo lilbit. Wal det raida bin abum neim langa det longwan kout blanga im, en det seimwan neim bin langa im leig du. Det neim bin tok, “Haibala langa haibala en Bos blanga ola boswan.” Ol detlot solja blanga hebin bin bulurrumbat langa det raida biyain. Deibin ol raidimbat waitwan hos du, en deibin ol werrimon rili gudwan klos, brabli klinbala waitwan klos.

Rebaleishan 19:8

Deibin gibit im pramis klinbala shainiwan klos blanga werrimon na.” Detlot klos bin brabli gudwan jis laik ola gudbala ting weya detlot Kristjan pipul dumbat blanga God.

Rebaleishan 7:13

Brom deya wan olmen brom detlot olmen bin askim mi, “Yu sabi dislot pipul iya weya dei werrimbat longwan waitwan klos? Yu sabi brom weya olabat bin kaman?”