Labidakas 5:19 - Kriol Baibul

¹⁹ En tharran na det ofring blanga peiyimbek weya imbin dumbat ola nogudbala ting langa mi.”

Labidakas 5:19 Iomraidhean Croise

Esra 10:2

Afta na Shekanaiya det san blanga Jehiyel brom det femili blanga Elam bin dalim Esra, “Wi nomo bin bulurrum God brabliwei wen wibin merriyimbat langa ola gel brom najalot kantri, bat stil wi ola Isreil pipul gin dum samting blanga tharran.

Ola Saam 51:4

Main God, aibin dum nogudbala ting langa yu. Aibin dum det ting weya yu tok im nomo gudwan. Blanga tharran na, yu rait wen yu tok aibin dum nogud ting, en yu gibit feyago langa mi wen yu panishim mi.

Labidakas 5:17

“If enibodi nomo sabi en dumbat nogudbala ting en breigim det lowa, wal im stil gilti en im garra pei blanga det nogudbala ting.

Labidakas 5:18

Wal im garra bringimap langa det serramonimen blanga peiyimbek ofring, wanbala dediwan ship o boiwan nenigout nomo garram enijing rong langa im. Wal im garra peiyim wanim detlot boswan bin tok. En det serramonimen garra abum det sekrifais ofring blanga im weya imbin dumbat nogudbala ting wen im nomo bin sabi, en tharran na garra meigim im jidan fri.

Labidakas 5:7

“If enibodi kaan gibit det nenigout o ship, wal im garra lafta bringimap dubala dab o dubala pijin langa mi blanga pei blanga det nogudbalawei weya imbin dumbat. Wal det wanbala blanga im ofring blanga nogudbalawei, en det najawan blanga det barnapwan ofring.

Labidakas 6:1

Wal YAWEI det trubala God bin kipgon gibitbat ol dislot lowa langa Mosis. Imbin tok,

Melakai 3:8

“Wal wotfo yumob pipul oldei stilimbat enijing brom mi, YAWEI? Bat yumob stilimbat ebrijing brom mi yumob selp. Yumob askim mi, ‘Wanim melabat bin stilimbat brom yu?’ Ai dalim yumob. Yumob nomo bringimap wanbala ting blanga ebri tenbala ting brom ola daga weya yumob growimap en detlot ofring blanga mi.

Joshuwa 22:15

Wal det tenbala men brom det tenbala klen bin go langa Giliyad, en deibin dalim ola pipul brom det thribala klen, “Ola pipul blanga YAWEI bin jandim melabat blanga tok langa yumob. Wal melabat askim yumob, ‘Wotfo yumob bin dum det nogudbala ting langa God?’ Wen yumob bin meigim det teibul blanga ofring, yumob bin gibit bekboun langa YAWEI. Wal wotfo yumob nomo bulurrum im?