Labidakas 5:15 - Kriol Baibul

¹⁵ “Wal if enibodi nomo lukinat gudwei wanim imbin dumbat, en im nomo bin gibit det mani weya imbin pramis langa mi, wal im garra bringimap peiyimbek ofring, wan dediwan ship o boiwan nenigout nomo garram enijing rong langa im. Im garra peiyimbek wanim ol detlot boswan bin tok.

Labidakas 5:15 Iomraidhean Croise

Sekan Kings 12:16

Detlot serramonimen bin lau kipum oni detlot ofring mani weya enibodi bin pei blanga meigim miselp fri brom det nogudbala ting weya deibin dum en ola ofring mani weya enibodi bin pei wen deibin dumbat nogudbala ting. Dei nomo bin pudum detlot mani langa det boks, imbin blanga detlot serramonimen.

Eksadas 30:13

Yu garra kaundimap ebri men hu jidan 20 yiya ol en oba, en dei garra ol pei det raitwan mani. Dei garra gibit det mani langa mi blanga olabat ofring, en dei garra ol pei det seimwan mani.

Labidakas 1:10

“En if im gibit ship o gout blanga ofring, im garra gibit boiwan, nomo garram enijing rong langa im.

Labidakas 1:3

“Wal if im gibit wanbala buligi blanga barnapwan ofring, im garra lafta bringimap det boiwan buligi nomo garram enijing rong langa im en im garra deigim en pudum langa det dowawei langa det Seikridwan Tent blanga main. If im dum lagijat, mi na YAWEI garra gudbinji langa im.

Labidakas 14:12

Det serramonimen garra deigim wanbala lilwan boiwan ship garram det oliboil blanga peiyimbek ofring. En im garra gibit det speshalwan ofring blanga det serramonimen.

Labidakas 27:3

yu garra peiyim det raitwan mani blanga meigim miselp fri. Blanga wan men brom 20 yiya ol raidap 60 yiya ol, im garra pei 50 silba mani. Blanga wan wuman, im garra pei 30 silba mani. Blanga wan yangboi brom 5 yiya ol raidap 20 yiya ol, im garra pei 20 silba mani. Blanga wan yanggel, im garra pei 10 silba mani. Blanga wan beibi boi raidap langa 5 yiya ol, im garra pei 5 silba mani. Blanga wan beibi gel, im garra pei 3 silba mani. Blanga wan olmen hu jidan mowa langa 60 yiya ol, im garra pei 15 silba mani. Blanga wan olgamen hu jidan mowa langa 60 yiya ol, im garra pei 10 silba mani.

Labidakas 4:2

“If enibodi dumbat nogudbala ting en breigimbat det lowa blanga mi na YAWEI, en im nomo sabi imbin breigim det lowa, wal im garra lafta bulurrum ol dislot lowa.

Labidakas 5:14

Wal YAWEI det trubala God bin kipgon tok en imbin gibit dislot lowa langa Mosis,

Labidakas 5:16

Wal im garra lafta peiyim detlot weya im nomo bin gibit basdam, en im garra gibit im lilbit mowa. En im garra gibit langa det serramonimen, en det serramonimen garra gibit det enimul blanga abum det sekrifais ofring blanga im weya imbin dumbat nogudbala ting, en tharran na garra meigim im jidan fri.

Labidakas 5:18

Wal im garra bringimap langa det serramonimen blanga peiyimbek ofring, wanbala dediwan ship o boiwan nenigout nomo garram enijing rong langa im. Wal im garra peiyim wanim detlot boswan bin tok. En det serramonimen garra abum det sekrifais ofring blanga im weya imbin dumbat nogudbala ting wen im nomo bin sabi, en tharran na garra meigim im jidan fri.

Labidakas 6:6

Wal im lafta bringimap deya langa det serramonimen blanga peiyimbek ofring langa mi, wan dediwan ship o boiwan nenigout nomo garram enijing rong langa im. Im garra peiyimbek wanim ol detlot boswan bin tok.

Labidakas 7:1

Wal YAWEI det trubala God bin kipgon tok langa Mosis ol dislot lowa na blanga det peiyimbek ofring, en olabat brabli seikridwan.

Labidakas 7:6

Eni men brom det femili blanga det serramonimen gin dagadagat det daga, bat im garra lafta dagat langa seikridwan pleis, dumaji im brabli seikridwan.

Nambas 15:24

If yumob Isreil pipul meigim misteik, wal yumob garra gibit det boiwan buligi blanga det barnapwan ofring blanga meigim YAWEI gudbinji. Yumob garra gibit garram det sid daga ofring en garram wain ofring. En yumob garra gibit det boiwan nenigout blanga det ofring blanga ola nogudbala ting weya yumob bin dumbat.

Nambas 5:5

YAWEI bin tok langa Mosis,

Nambas 5:8

Bat if det sambodi bin dai en im nomo garram eni rileishan, wal det sambodi hubin dum det nogudbala ting garra gibit det mani langa YAWEI blanga det serramonimen. Im garra gibit det mani seimtaim garram det dediwan ship ofring blanga meigim im fri brom det nogudbalawei.

Dyudaranami 12:26

Yumob garra deigim ola ofring en ola enijing weya yumob bin pramis blanga gibit langa YAWEI langa det speshalwan pleis blanga weship.

Fes Semyul 6:3

Wal detlot serramonimen en doktabala bin tok, “If yumob jandimbek det Seikridwan Boks blanga det drimin blanga ola Isreil pipul, wal yumob kaan jandimbek det Boks nomo garram enijing. Yumob lafta jandimbek det Boks garram ofring blanga pei blanga yumob nogudbalawei, en wen yumob dum lagijat, det drimin garra meigim yumob gudbala, en afta yumob garra sabi wotfo imbin kipgon panishimbat wi.”