Labidakas 4:2 - Kriol Baibul

² “If enibodi dumbat nogudbala ting en breigimbat det lowa blanga mi na YAWEI, en im nomo sabi imbin breigim det lowa, wal im garra lafta bulurrum ol dislot lowa.

Labidakas 4:2 Iomraidhean Croise

Jenasis 20:9

Brom deya det king bin jingat langa Eibrahem, en wen imbin kaman langa im, det king bin askim im, “Wotfo yubin meigim dijan trabul blanga melabat weya God wandi binijimap mi en main pipul olabat? Melabat nomo bin dum eni nogudbala ting langa yu. Dijan ting weya yubin dum langa mi im brabli nogudwan. Yu nomo wandi dum lagijat.

Ola Saam 19:12

Ai kaan sabi blanga main nogudbalawei. YAWEI, yu sori langa mi en deigimwei detlot nogudwan ting weya ai nomo bin sabi aibin oldei dumbat.

Ola Saam 19:13

Nomo larram mi dumbat detlot nogudwan ting weya mi sabi olabat rong. Nomo larram ola nogud ting jidan bos blanga mi. If yu meigim mi lagijat wal ai garra jidan brabli gudwan, en jidan friwan brom ola nogudbalawei.

Aklisiyestis 5:6

Nomo larram yu ronwan wed meigim trabul blanga yu en yu garra go en dalim det serramonimen blanga God yu kaan kipum det pramis. Wotfo yu garra meigim God gitwail langa yu? En wotfo yu wandim God blanga binijimap ebrijing yubin dumbat?

Labidakas 22:14

“If enibodi hu nomo blanga det serramonimen femili dagat det daga blanga det seikridwan ofring, en im nomo sabi, wal im garra lafta peiyimbek det serramonimen, en im garra gibit im lilbit mowa daga.

Labidakas 4:1

Wal YAWEI det trubala God bin kipgon tok langa Mosis,

Labidakas 4:13

“If ola Isreil pipul bin breigimbat det lowa blanga mi na YAWEI, en dei nomo sabi,

Labidakas 4:22

“If wan boswan men hu dumbat nogudbala ting en nomo bulurrumbat det lowa gudwei weya mi na YAWEI bin gibit, en im nomo bin sabi imbin dum,

Labidakas 4:27

“Wal if im odinri men hu dumbat det nogudbala ting en breigim det lowa blanga mi en im nomo bin sabi imbin dum,

Nambas 35:11

yu garra pikimat 6 seifwan taun, en if enibodi kilim sambodi ded wen im nomo bin wandim kilim im, wal im lafta go langa det seifwan taun.

Dyudaranami 19:4

If sambodi kilim ded sambodi hu nomo im enami en im nomo bin wandi kilim im, wal im gin ranawei langa wanbala seifwan taun.

Fes Timathi 1:13

Wal longtaim bifo Jisas Krais bin pikimat mi, aibin brabli admen, dumaji aibin oldei tok brabli nogudbalawei blanga im, en aibin oldei meigim trabul blanga detlot pipul hubin bilib langa im. Wal nomeda aibin oldei dum lagijat, bat stil God bin kain langa mi, dumaji ai nomo bin bilib langa Jisas Krais, en ai nomo bin sabi brabli wanim aibin dumbat.

Hibrus 5:2

Wal det haibala serramonimen kaan tok adbalawei langa detlot pipul hu dum nogudbala ting wen dei nomo sabi det wed brabliwei, dumaji im men du, en im jidan wikwan seimwei laik ebribodi,

Hibrus 9:7

Bat nobodi bin oldei gowin langa det Brabli Seikridwan Rum. Oni det boswan haibala serramonimen bin oldei gowin deya wantaim ebriyiya, en imbin oldei deigim sambala blad blanga gibit langa God blanga deigidawei detlot nogudbala ting blanga im en blanga ola pipul weya dei nomo bin sabi wanim deibin oldei dumbat.

Fes Semyul 14:27

Bat Jonathan nomo bin irrim im dedi bin tok lagijat, en wen imbin luk det shugabeig, imbin bugum det shugabeig garram det wokinstik blanga im, en imbin dagat det shugabeig, en streidawei imbin filim miselp strongbala.