Labidakas 26:43 - Kriol Baibul

⁴³ Bat basdam yumob garra gowei brom yumob kantri, wulijim det kantri garra abum spel, en yumob garra abum panishmen, dumaji yumob bin tenim miselp brom mi, en brom main lowa weya aibin gibit langa yumob.

Labidakas 26:43 Iomraidhean Croise

Sekan Kranakuls 33:12

Wen King Manesa bin jidan prisana deya, imbin askim God blanga larramgo im fri en album im.

Sekan Kranakuls 36:21

Juda bin jidan emtiwan kantri, en imbin jidan lagijat fo 70 yiya. Dijan bin jis laik det Sebathdei spel weya det kantri nomo bin abum bifo. Ol dislot ting bin hepin jis laik Jeramaiya det speshalwan mesinja blanga YAWEI bin tok.

Job Wotfo Gudbala Pipul Abum Trabul? 5:17

Wal Elifas bin kipgon tok, “Job yu garra jidan gudbinjiwei. Nomeda God det brabli haibalawan bin panishim yu, bat stil yu garra jidan hepiwan. Im mait meigim yu abumbat pein en ardimbat detmatj, bat im garra bendijimap en meigim yu sowa gudwan.

Ola Saam 119:67

Basdam aibin oldei dum rong ting, bat yubin streitinimap mi en tudei mi teiknodis langa yu wed na.

Ola Saam 119:71

Wen yubin streitinimap mi blanga main nogudbalawei, tharran na bin brabli gud ting blanga mi. Imbin meigim mi len ola lowa blanga yu.

Ola Saam 119:75

Ai sabi ol yu lowa nomo garram enijing rong en im brabli trubalawan, YAWEI. Yubin panishim mi brabliwei dumaji yu brabli trubalawan.

Ola Saam 50:15

Wen trabul kaman, jingat langa mi. Ai garra seibum yumob, en yumob garra preisim mi.”

Aisaiya 26:16

YAWEI, wen yubin panishim melabat, melabat bin kambek en prei langa yu.

Jeramaiya 31:19

Melabat bin gowei brom yu, bat melabat bin wandim kambek langa yu. Wen yubin olredi panishim langa melabat, melabat pudumdan melabat hed soribalawei. Melabat sheim, dumaji melabat brabli nogudbala, dumaji melabat bin dum nogudbala ting wen melabat bin stil yangwan.’ Lagijat na olabat bin tok.

Denyul 9:14

Yu na YAWEI det trubala God blanga melabat bin redi blanga panishim melabat, en yubin dum, dumaji yu oldei dum wanim gudwan, en melabat nomo bin teiknodis langa yu.

Labidakas 26:11

Wal ai garra jidan garram yumob langa det Seikridwan Tent, en ai kaan neba libum yumob.

Labidakas 26:15

If yumob nomo duwit langa mi en nomo duwit langa main lowa en if yumob bin breigim det strongwan pramis weya aibin meigim garram yumob,

Labidakas 26:30

Ai garra binijimap det pleis weya yumob oldei weship detlot drimin sheip deya langa detlot hil. Ai garra bitsimap detlot teibul weya yumob oldei barnim det gudsmelwan medisin, en tjakidawei yumob dedwan bodi langa detlot drimin sheip. Ai garra jidan brabli wail langa yumob,

Labidakas 26:41

Yumob garra sabi aibin gibit bekboun langa yumob en aibin jandim yumob langa detlot najalot kantri blanga yumob enamimob. En yumob garra sabi aibin panishim yumob blanga yumob nogudbalawei en bambai yumob garra jinggabat en jidan lobala.

Eimos 5:10

“Ol yumob Isreil pipul heidim enibodi hu album detlot po pipul blanga abum feyago langa kot, en yumob nomo laigim enibodi hu tok streitbalawei langa yumob du.

Sekaraiya 11:8

En aibin lukaftumbat detlot ship. Langa dijan manth aibin jandimwei thribala nogudwan stakmen hu nomo bin laigim mi bat detlot ship nomo bin laigim mi du.

Jon Bin Dalim Det Gudnyus Blanga Jisas Det San Blanga God 7:7

Yumob gin shoum miselp enitaim, dumaji ola pipul kaan heidim yumob. Bat olabat heidim mi, dumaji mi oldei dalimbat olabat blanga det nogudbalawei weya dei oldei bulurrumbat.

Romans 8:7

en detkain nogudbala main meigim olabat jidan enami blanga God. Wal detkain pipul garram nogudbala main nomo wandim duwit langa God lowa. En dei kaan duwit dumaji dei nomo garram pawa blanga duwit.

Dyudaranami 32:36

YAWEI garra seibum im pipul olabat wen im luk yumob lujim yumob pawa. Im garra brabli kain langa detlot wekinmen blanga im wen im luk hau dei jidan wikwan.