Labidakas 26:36 - Kriol Baibul

³⁶ “Ai garra meigim yumob jidan langa najalot kantri, en yumob garra bradin brabliwei, en wen yumob garra irrim det saun blanga detlot bushis wen det win blowimbat yumob garra ranawei. Yumob garra ranawei jis laik wen det enami ranimapbat yumob, en yumob garra buldan wen nomo eni enami gulijap langa yumob.

Labidakas 26:36 Iomraidhean Croise

Jenasis 35:5

Afta na Jeikob en im femili olabat bin gowei brom det kantri, en God bin bradinim ola pipul langa ola najalot taun langa det kantri, en dei nomo bin aftum Jeikob blanga kilim im, najing.

Jenasis 4:12

en bambai na wen yu trai growimap gadin, det graun kaan growimap daga blanga yu. En yu kaan abum yu ronwan kemp du. Yu garra oldei kipgon wokwok ebriwei.”

Sekan Kranakuls 14:14

Wen detlot pipul hubin jidan langa ola lilwan taun raidaran langa Gera bin irrim det nyus, deibin brabli bradin blanga YAWEI. Detlot Juda amimob bin fait langa ol detlot lilwan taun en deibin deigimwei ola gudwan ebrijing deibin wandim brom detlot taun.

Job Wotfo Gudbala Pipul Abum Trabul? 13:25

Maitbi yu laigim bradinimbat mi wen mi oldei jidanbat wikwan. Mi jis laik det draiwan lif weya im buldan.

Ola Saam 53:5

Olabat garra bradin nomo lilbit weya dei nomo bin bradin bifo. God na garra binijimap detlot enamimob, en libum olabat boun leidan ebriweya. Olabat garra sheim miselp, dumaji God bin gibit bekboun langa olabat.

Ola Saam 53:6

Mi prei adbalawei langa God weya im jidan langa Saiyan, blanga seibum ola pipul langa Isreil. Olabat garra jidan gudbinji brabliwei wen God garra meigim olabat abum ebrijing igin.

Ola Saam 89:43

Yubin meigim nogud ola wepan blanga det king, en im nomo bin win wen imbin fait.

Prabebs 28:1

Detlot brabli nogudbala pipul oldei ranawei dumaji dei bradin nomeda nobodi nomo ranimbat olabat, bat detlot gudbala pipul jidan brabli strongbalawei, wulijim laiyan.

Aisaiya 30:17

Nomeda yumob bigismob pipul, bat stil wanbala o faibala enami solja garra ranimapbat yumob. En afta na, oni lilbit pipul garra jidan laibala, wulijim det wanbala fleig pol weya im jandap miselp ontop langa wanbala hil.

Aisaiya 7:2

Bambai na wen det nyus bin kaman langa King Eihes weya detlot Siriya solja bin joinap garram ola Isreil solja, King Eihes en ebribodi langa Juda bin bradin nomo lilbit. Olabat bin ol sheiksheikbat nomo lilbit jis laik detlot tri weya det strongbala win oldei blowimbat.

Aisaiya 7:4

Yu garra dalim King Eihes nomo blanga wori tumatj. Im kaan bradin blanga det dubala king neim King Resin en King Peka. Dubala brabli wail orait, bat dubala nomo enijing. Dubala jis laik det faiya weya barnbarn en binij.

Jeramaiya 37:10

Nomeda yu gin bidim ol det Bebalon ami, en libum sambala hafded hu leidanbat langa olabat tent, bat stil detlot men garra gidap en barnimap dijan taun, en im garra buldan langa graun.” Lagijat na YAWEI bin tok.

Jeramaiya 46:16

Blanga yumob solja bin slekap en buldan buldanbat. Dei tok, ‘Kwikbala! Wi garra gobek langa wi ronwan pipul olabat, en ranawei brom detlot bigbala naif blanga detlot enamimob.’

Leminteishans 1:3

“Detlot Juda pipul bin oldei jidan prisana en detmob bin tridimbat olabat adbalawei, Olabat enamimob bin deigim olabat langa najawan pleis blanga wekwekbat. Deibin oldei jidan langa najawan kantri, dumaji olabat nomo bin abum ronwan kantri. Bigismob enami bin deya en dei nomo bin larram olabat ranawei.

Leminteishans 1:6

Ola brabli purdibala ting langa det taun Jerusalem, deibin binij na. Detlot boswan blanga det taun jidan jis laik detlot enimul weya detlot hanta oldei ranimapbat olabat ebriweya. Dei nomo garram seifwan pleis blanga abum spel.

Leminteishans 4:19

Detlot enami bin brabli kwikbala wen deibin ranimap wi, jis laik igulok wen im flaiflaibat kwikbala brom top langa graun blanga gajimbat daga. Deibin bulurrum wi olawei raidap langa det hil kantri. En deibin gajimap wi langa det bush kantri du.

Isikiyel 21:12

“Isikiyel, yu krai soribalawei blanga main pipul olabat en detlot lidamob du, dumaji det naif im redi blanga kilim olabat ded. Olabat garra dai, en blanga tharran na yu garra brabli nogudbinji.

Isikiyel 21:15

Olabat garra jidan brabli wikwan en olabat garra buldan ebriweya en dei garra bradin nomo lilbit. Det bigbala naif garra weidabat blanga olabat langa ebri geit. Im garra laitlaitbat wulijim laitining, en ebriweya det naif mub im garra kilim olabat.

Isikiyel 21:7

Wen detlot pipul garra luk wanim yubin dumbat, dei garra askim yu, ‘Wotfo yu kraikraibat?’ En yu garra dalim olabat, ‘Dumaji aibin irrim brabli bednyus. Wen im garra hepin, yumob garra ol bradin nomo lilbit en hatjamp. Blanga yumob bingga garra heingindan en yumob garra jidan brabli wikwan en yumob ni garra sheiksheikbat nomo lilbit. Det taim im gulijap iya na.’ ” Lagijat na YAWEI det boswan God bin tok.

Labidakas 26:17

En ai garra gibit bekboun langa yumob, wulijim detlot enamimob garra bidim yumob, en detlot hu heidimbat yumob, olabat garra kaman en jidan boswan langa yumob. Wal yumob garra jidan bradin brabliwei, en yumob garra ranawei wen nobodi nomo bin ranimap yumob.

Dyudaranami 1:44

“Brom deya ola Emarait pipul hubin jidan langa det hil kantri bin kamat langa yumob detmatj na, jis laik bigmob honet weya ranimap yumob. Deibin andimwei yumob raidap langa det kantri gulum Homa en deibin bidim yumob deya langa det hil kantri blanga Idam.

Joshuwa 5:1

Wal brom deya det nyus weya YAWEI det trubala God bin draiyimap det Jodan Riba bin spredat ebriweya. Det nyus bin go raidap langa ola king blanga ola Emarait pipul sangodansaid brom det riba, en det nyus bin go raidap langa ola king blanga ola Keinanait pipul gulijap langa det solwoda gulum Medatareiniyan, en wen detlot king bin irrim det nyus, deibin ol bradin, en dei nomo bin sabi wanim dei garra dum.

Joshuwa 7:5

en deibin ranimap olabat brom det geit blanga det taun raidap langa det pleis weya deibin oldei grajimbat ston, en deibin kilim ded 36 Isreil solja langa det roud, en ola Isreil pipul bin bradin nomo lilbit, en dei nomo bin sabi wanim blanga dum.

Fes Semyul 17:24

Wal wen ola Isreil solja bin luk Galaiyath jandapbat deya, deibin ol ranawei, dumaji deibin bradin,