Labidakas 26:22 - Kriol Baibul

²² Ai garra jandim brabli jigiwan enimul langa yumob, en olabat garra kilim ola biginini blanga yumob, en binijimap ola enimul blanga yumob, en olabat garra libum oni lilbit pipul langa det roud.

Labidakas 26:22 Iomraidhean Croise

Sekan Kings 17:25

Wal wen deibin kaman deya dei nomo bin weship YAWEI en imbin jandim ola laiyan en deibin kilim ded sambala pipul.

Sekan Kings 2:24

Wal Ilaisha bin lukbek langa olabat en imbin tok, “Larram YAWEI panishim yumob.” Brom deya dubala gelwan beya bin kamat brom det thikwan bushis en dubala bin kilim ded detlot lilboi, en ola bodi blanga olabat bin ebriweya haf en haf.

Sekan Kranakuls 15:5

“Loda nogudbala ting bin hepin langa det taim en im nomo bin seifwan pleis deya langa Isreil.

Aisaiya 24:6

God garra jandim bigbala trabul langa dijan wel, dumaji ola pipul giltiwan. Deibin dumbat nogudbala ting. Bigmob pipul garra binijap. Oni lilbit pipul garra jidan langa dijan wel na.

Aisaiya 33:8

Nomo eni pipul go langa eni roud enimo dumaji olabat nomo seifwan. Detlot pipul hu oldei meigimbat pramis blanga jidan fren blanga wi bin breigim olabat pramis, en olabat nomo shoumbat rispek langa enibodi hu oldei kipumbat pramis.

Jeramaiya 15:3

“Wal mi na, YAWEI, en ai garra panishim olabat garram fobala nogudbala ting. Sambala garra dai brom faitfaitbat langa wo, en detlot wailwan dog garra deigimawei olabat bodi, en detlot bard garra dagadagat detlot bodi, en ola wailwan enimul garra dagat detlot boun en ola leftobawan bodipat.

Jeramaiya 42:2

En olabat bin tok langa mi, “Yu garra dum wanim melabat askim yu. Yu garra prei langa YAWEI det trubala God blanga melabat. Yu garra prei blanga melabat holot hu jidan laibala. Longtaim bigismob pipul bin iya, bat oni lilbit jidan iya na.

Leminteishans 1:4

Wal nobodi kaman langa det Serramoni Pleis na en weshipbat ebri seikridwan dei. Detlot roud langa Jerusalem jidan emtiwan, en nobodi nomo oldei gowei brom det taun en nobodi kaman deya, najing. Ol detlot gel hubin oldei singsingbat, olabat garram brabli nogudwan trabul, en detlot serramonimen kraikraibat du.

Isikiyel 14:15

“Maitbi ai garra jandim ola wailwan enimul blanga kilim ola pipul, en ai garra meigim det kantri jidan jis laik deset wulijim nobodi kaan go thru deya, nomeda detlot thribala men jidan deya. Mi na YAWEI det boswan God, en trubala ai dalim yu, dei kaan seibum olabat ronwan bigininimob. Dei garra oni seibum olabat ronselp, en det kantri garra jidan nomo garram enijing en jis laik deset kantri.

Isikiyel 14:21

“Mi na YAWEI det boswan God, en ai meigim dijan pramis blanga panishim detlot Jerusalem pipul brabliwei. Ai garra jandim wo, en ai garra meigim yumob jidan hanggriwan, en ai garra jandim wailwan enimul langa yumob, en ai garra jandim brabli nogudwan siknis blanga binijimap ola pipul en ola enimul.

Isikiyel 33:28

Yumob oldei reken miselp. Wal ai garra meigim ol detlot kantri jidan nomo garram enijing, en ai garra deigidawei det pawa brom yumob. Detlot bigwan hil garra jidan nomo garram tri o gras en nomo enibodi kaan krosim detlot hil.

Isikiyel 5:17

Ai garra meigim ola biginini jidan hanggriwan en wailwan enimul garra kaman en kilim olabat, en ai garra jandim siknis en najalot pipul garra kaman en fait langa yumob en kilim yumob ded.”

Labidakas 26:6

“Wal ai garra meigim yumob jidan gudbinjiwei langa det kantri, en yumob garra jidanbat gudwei en nobodi kaan ardimbat yumob. Ai garra binijimap ola jigiwan enimul langa det kantri, en yumob kaan faitfaitbat enimo.

Maika 3:12

“Yumob oldei dumbat detlot nogudbala ting lagijat, en blanga tharran na detlot enami blanga yumob garra grajimap det taun blanga yumob jis laik weya sambodi grajim graun blanga meigim gadin. En dei garra nokamdan ola haus en meigim Jerusalem jidan nogud, en ola bushis garra gro ebriweya langa det Serramoni Pleis deya ontop langa det hil gulum Saiyan.” Lagijat na aibin tok.

Sekaraiya 7:14

En laik bigwan saiklon win weya kaman en bitsimap taun en libum emtiwan, wal lagijat na longtaim aibin jandim ola ami en deibin bitsimap det taun en deigidawei ola pipul langa najalot kantri en deibin libum dijan kantri emtiwan, nomo garram eni pipul.” Lagijat na YAWEI bin tok.

Dyudaranami 32:24

Yumob garra dai dumaji yumob hanggribala en sikbala. Yumob garra binijap brom detlot strongbala siknis. Ai garra jandim ola wailwan enimul blanga ardimbat yumob, en ola poisinwan sneik blanga baidim yumob.

Jadjis 5:6

Afta na wen det san blanga Einath neim Shemga bin jidan lida, en wen det gel neim Jeiyel bin jidan laibala, ola Isreil pipul nomo bin yusum det meinwan roud langa olabat kantri.