Labidakas 24:16 - Kriol Baibul

¹⁶ en dai lagijat du. If eni Isreil pipul o pipul brom najalot kantri hu jidan langa ola Isreil pipul tok lagijat nogudbalawei langa mi, wal olabat garra dai seimwei du. Yumob garra kilim olabat garram ston.

Labidakas 24:16 Iomraidhean Croise

Sekan Semyul 6:2

en King Deibid bin deigim olabat langa det taun gulum Beila deya langa Juda. Imbin go deya blanga gajim det Seikridwan Boks blanga YAWEI det trubala God blanga deigimbek langa Jerusalem. Det Seikridwan Boks bin abum det neim blanga YAWEI det boswan God, en imbin oldei jidan deya ontop langa det boks langa midul langa det dubala sheip garram wing.

Ola Saam 139:20

Olabat nomo rispek yu, najing! Olabat tokabat yu brabli nogudwei.

Ola Saam 74:10

God, haulong dislot enami blanga melabat garra laflafbat langa yu? Maitbi olabat garra kipgon toktokbat nogudwei blanga yu neim fogud. Wotaim dei garra stap toktok nogudbalawei?

Ola Saam 74:18

Bat YAWEI, yu jinggabat. Detlot enami blanga yu bin mokimbat yu, en olabat nomo bin bilib en wandim yu.

Eksadas 20:7

“Yumob nomo lau blanga yusum main neim nogudbalawei, dumaji mi na YAWEI, en ai garra panishim enibodi hu yusum main neim rongwei.

Eksadas 22:28

Yu kaan tok nogudbalawei blanga God, en yu kaan tok nogudbalawei en sweya langa eni bos blanga yu.

Methyu 12:31

Trubala ai dalim yumob. God gin larramgo enibodi fri brom ol detlot nogudbala wed weya imbin tok, en brom ol detlot nogudbala ting weya imbin dumbat. Bat if enibodi tok nogudbalawei blanga det Holi Spirit, wal God kaan larramgo im fri brom det ting.

Methyu 26:66

Wal wanim yumob reken?” Wal deibin ol tok, “Wibin faindim folt langa im, en im garra dai.”

Mak Bin Dalim Ola Stori Blanga Jisas 14:64

Yumob bin irrim imbin mokim God, en imbin trai en meigim miselp seim laik God du. Wal wanim yumob reken?” Wal deibin ol tok, “Wi faindim im gilti. Im garra lafta dai.”

Jon Bin Dalim Det Gudnyus Blanga Jisas Det San Blanga God 19:7

Wal detlot pipul bin dalim im, “Det lowa blanga melabat tok im garra dai, dumaji imbin tok im reken im God San.”

Eks Hau Det Gudnyus Blanga Jisas Krais Bin Spredat Ebriweya 26:11

Lodataim aibin oldei panishim detkain pipul langa ola Juwish Miting Pleis, en aibin oldei trai en meigim olabat libum det stori blanga Jisas. Aibin oldei go longwei langa najalot taun blanga panishimbat olabat, dumaji aibin brabli wail langa det stori.

Eks Hau Det Gudnyus Blanga Jisas Krais Bin Spredat Ebriweya 7:58

en deibin deigim im, en deibin tjakam im atsaid brom det taun, en deya na deibin stonim im. Detlot witnis hubin meigimap yan blanga im bin deigimat olabat kout, en deibin libum olabat kout deya lida langa wan men neim Sol,

Fes Timathi 1:13

Wal longtaim bifo Jisas Krais bin pikimat mi, aibin brabli admen, dumaji aibin oldei tok brabli nogudbalawei blanga im, en aibin oldei meigim trabul blanga detlot pipul hubin bilib langa im. Wal nomeda aibin oldei dum lagijat, bat stil God bin kain langa mi, dumaji ai nomo bin bilib langa Jisas Krais, en ai nomo bin sabi brabli wanim aibin dumbat.

Jeims 2:7

En detlot ritj pipul na oldei toktok nogudbalawei blanga Jisas Krais, en dei oldei mokimbat det neim blanga Jisas Krais weya God bin gibit langa yumob.