Labidakas 23:41 - Kriol Baibul

⁴¹ Wal det serramoni im oni blanga 7 dei, en tharran na det lowa blanga yumob bigininimob garra kipgon abumbat olataim.

Labidakas 23:41 Iomraidhean Croise

Niyamaiya 8:18

Brom det feswan dei blanga det serramoni raidap langa det laswan dei, ebridei deibin ridimat sambala wed brom God lowa. Deibin abum det serramoni blanga 7 dei, en langa det namba 8 dei ola pipul bin majurrap blanga binijim det serramoni jis laik weya det lowa bin tok.

Labidakas 23:14

Nomo dagat eni nyuwan sid daga, nomeda im kukwan, o im nomo kukwan, o damba, raidap yumob bringimap detlot ofring langa mi. Wal yumob en ol yumob bigininimob garra kipum det lowa olagijawan.”

Labidakas 23:40

En langa det dei na yumob garra gajim sambala gudwan frut daga brom yumob tri, en yumob garra deigim pamtri wadi, en det wadi garram lif en yumob garra stat abum det serramoni blanga preisim langa mi.

Labidakas 23:42

Yumob garra jidan langa hampi blanga 7 dei wulijim detlot bigininimob blanga yumob garra sabi weya aibin meigim yumob Isreil pipul jidan langa detlot hampi wen aibin lidimbat yumob en meigim yumob kamat brom Ijip. Wal mi na YAWEI det trubala God blanga yumob.”

Nambas 29:12

Wal Mosis bin kipgon tok, “Orait, yumob garra kaman mijamet blanga weship langa det namba 15 dei langa det namba 7 manth. Yumob garra abum det padi blanga weship langa YAWEI blanga 7 dei en yumob kaan dum eni wek.