Labidakas 22:16 - Kriol Baibul

¹⁶ En olabat kaan larram enibodi dagat detlot ofring hu nomo lau blanga dagat detlot ofring. If dei dagat, wal dei garra jidan gilti en abum panishmen. Mi na YAWEI det trubala God, en mi na meigim detlot ofring seikridwan.

Labidakas 22:16 Iomraidhean Croise

Ola Saam 38:4

Mi jidan giltiwan en im gaburrumap mi brabliwei, jis laik fladwoda. Im tumatj blanga mi blanga hendulum. Im jis laik det hebiwan loud weya mi garrimap.

Eksadas 28:38

en det haibala serramonimen garra oldei werrimon det het wen im dumbat det wek blanga mi, en wen mi luk det hetben, nomeda detlot Isreil pipul dum det serramoni rongwei, bat stil ai garra larram olabat gibit ol detlot ofring langa mi, dumaji det bleim garra gobek langa det haibala serramonimen.

Labidakas 10:17

“Wotfo yunbala nomo bin dagat det ofring blanga nogudbalawei langa det seikridwan pleis gulijap langa det dowawei langa det Seikridwan Tent? Im brabli holiwan, en YAWEI bin gibit langa yunbala blanga deigidawei det nogudbalawei brom ola pipul.

Labidakas 20:8

Yumob garra duwit blanga main lowa, dumaji mi na YAWEI det trubala God, en ai meigim yumob brabli holiwan.

Labidakas 21:15

If im nomo dum tharran, wal im biginini kaan jidan holiwan, o klinbala blanga serramoni. Wal mi na YAWEI hubin meigim im jidan haibala serramonimen.

Labidakas 21:23

Bat dumaji imbin abum nogudwan bodi, im nomo lau blanga kaman iya gulijap langa dijan seikridwan ketin o kaman gulijap langa det teibul blanga ofring, en im kaan meigim nogud detlot seikridwan ting, dumaji mi na YAWEI, en mi na bin meigim detlot ting jidan seikridwan.’ ” Lagijat na YAWEI bin tok.

Labidakas 21:8

Wal detlot pipul garra lafta jinggabat langa det serramonimen im holiwan, dumaji im gibit langa mi det sid daga ofring. Mi na YAWEI en mi brabli holiwan, mi na meigim main pipul olabat holiwan.

Labidakas 22:17

“Aibin dalim yu Mosis blanga gibit Eran en im femilimob en ol detlot Isreil pipul ol dislot lowa blanga bulurrumbat na. Wen eni Isreil pipul o enibodi brom najalot kantri hu jidan langa yumob Isreil pipul gibitbat barnapwan ofring, nomeda olabat bin pramis blanga dumbat, o gibitbat mi presen, det enimul kaan abum enijing rong langa im.

Labidakas 22:9

“Ola serramonimen garra duwit en bulurrum det lowa gudwei weya aibin gibit langa olabat. If dei nomo dum, wal dei garra jidan gilti en dei garra dai, dumaji olabat nomo bin bulurrum det seikridwan lowa. Mi na YAWEI, en mi na meigim olabat jidan holiwan.

Labidakas 7:18

If dei dagat det bif langa det namba thridei, wal ai kaan gudbinji langa det ofring. Det ofring nomo wek gudwei blanga im. Wal det ofring im nomo klinbala na. If enibodi dagat tharran wal im garra abum panishmen.

Nambas 18:1

Wal YAWEI bin tok langa Eran, “Yu en yu sanmob en ol det Libai klen garra deigim det panishmen if yumob nomo duwit langa mi wanim aibin dalim yumob. Yumob garra dum ol detlot wek wen yu jidan wekinmen blanga mi blanga det Seikridwan Tent. Bat if yu en yu sanmob nomo dum wanim aibin dalim yumob blanga dum langa det serramoni wek, oni yumob na garra abum det panishmen.

Nambas 18:32

Yumob kaan jidan giltiwan wen yumob dagat det daga, dumaji yumob bin gibit det brabli gudwan ofring langa YAWEI. Bat yumob garra dum dijan raitwei en nomo meigim det seikridwan ofring nogud blanga detlot Isreil pipul en dagadagat daga bifo yumob gibit det gudwan ting langa YAWEI. If yumob dum det nogudbala ting, wal yumob garra dai.” Lagijat na YAWEI bin tok.

Methyu 23:17

Wal ai dalim yumob. Yumob brabli granggibala. Det Serramoni Pleis im mowa haibala langa detlot gol, dumaji det Serramoni Pleis meigim det gol seikridwan.

Fes Pida 2:24

Wal wen Jisas Krais bin dai langa det kros, imbin garrimap ola nogudbala ting blanga wi langa im ron bodi blanga meigim wi libum det nogudbalawei en jidan gudbalawei.