Labidakas 22:13 - Kriol Baibul

¹³ Bat if det doda bin lujim im hasbin o im hasbin nomo bin wandim im blanga im waif, en im nomo garram biginini en imbin gobek en jidan langa im dedi haus, en im dedi lukaftumbat im, wal im gin dagat det daga weya deibin oldei gibitbat langa det serramonimen. Oni detlot hu femili blanga det serramonimen lau blanga dagat det daga.

Labidakas 22:13 Iomraidhean Croise

Jenasis 38:11

Afta na Juda bin dalim Teima det lambarra blanga im, “Yu gobek langa yu dedi kemp en jidan deya raidap main boi Shela growap bigwan. Bambai yunbala garra merrit.” Lagijat na Juda bin tok, dumaji imbin bradin Shela mait dai seimwei laik det naja dubala san blanga im bin dai. Wal det gel bin lisin langa Juda, en imbin gobek langa im dedi kemp.

Esra 2:63

En det gabman bos blanga ola Juwish pipul bin dalim olabat dei nomo bin lau dagat det daga weya deibin gibit blanga ofring langa God raidap deibin faindim serramonimen hubin lau yusum det dubala speshalwan ston gulum Yuram en Thamam.

Eksadas 12:43

Wal YAWEI bin dalim Mosis en Eran, “Iya na ola lowa blanga det Pasoba Serramoni. Nomo eni streinja pipul kaan dagat det Pasoba sapa.

Eksadas 29:33

Dei garra dagat ol detlot daga weya yubin yusum langa det serramoni blanga meigim olabat fri wen yubin meigim olabat jidan serramonimen. Nobodi kaan dagat det daga, dumaji im seikridwan. Oni detlot serramonimen na gin dagat det daga.

Isikiyel 44:8

Yumob nomo bin bulurrum det raitwei blanga weship mi. Yumob bin meigim pipul brom najalot kantri jidan bos langa main Serramoni Pleis.

Labidakas 10:14

Bat yumob en yumob ronwan femili gin dagat det briskit en det bekleig, dumaji tharran speshalwan ofring langa YAWEI blanga detlot serramonimen. Yumob gin dagat tharran langa eni pleis weya im klinwan blanga serramoni. Wal det ofring blanga yumob en yumob biginini olabat, det pat im blanga yumob brom det feloship ofring brom ol detlot Isreil pipul.

Labidakas 22:10

“Oni langa detlot serramonimen femili lau dagat eni seikridwan ofring, bat nomo enibodi mowa lau blanga dagat det daga, nomo enibodi hu jidan garram det serramonimen o hu wek blanga im.

Labidakas 22:12

Wal if det doda blanga det serramonimen merrit langa sambodi hu nomo serramonimen, wal im nomo lau dagat det seikridwan ofring.

Dyudaranami 24:2

En bambai na maitbi det gel merrit langa naja men.

Fes Semyul 21:7

Wal wan wekinmen blanga Sol bin deya langa det serramoni pleis blanga abum det serramoni. Det men bin neim Doweg. Imbin brom det kantri gulum Idam, en imbin det boswan stakmen blanga King Sol, en imbin luk Deibid deya toktok langa det serramonimen.