Labidakas 21:6 - Kriol Baibul

⁶ Im brabli holiwan. En im kaan meigim main neim nogudwan, dumaji im oldei gibitbat det ofring langa mi, en im jidan holiwan.

Labidakas 21:6 Iomraidhean Croise

Esra 8:28

Afta aibin dalim detlot serramonimen, “Yumob seikridwan blanga YAWEI det trubala God, det God blanga yumob grengrenfatha olabat, en ola silba en gol en ebrijing weya wibin gibit langa im gudbinjiwei blanga ofring jidan seikridwan blanga im du.

Eksadas 19:22

En wen detlot serramonimen garra kaman gulijap langa mi, olabat garra meigim miselp redi basdam. En if dei nomo meigim miselp redi, wal ai garra panishim olabat.” Lagijat na God bin tok.

Eksadas 28:36

“Detlot men garra meigim raunwan het blanga det haibala serramonimen, en dei garra meigim golwan hetben, en dei garra raidimdan wed langa det hetben du. Det wed garra tok, ‘Dijan Blanga YAWEI.’

Eksadas 29:44

Ai garra meigim det Tent en det teibul jidan seikridwan, en ai garra kadimat Eran en im san olabat blanga jidan serramonimen en wek blanga mi,

Aisaiya 52:11

Yumob libum det taun gulum Bebalon. Yumob nomo tatjim enijing weya im nomo klinbala. Yumob meigim miselp klinbala en redibala blanga garrimapbat ola seikridwan ebrijing blanga YAWEI.

Isikiyel 44:7

Yumob bin meigim main Serramoni Pleis brabli nogudwan, dumaji yumob bin larram detlot pipul hu nomo bin sabi mi en ola nogudwan pipul brom najalot kantri kaman langa main Serramoni Pleis wen yumob bin oldei gibitbat sekrifais ofring langa mi. Yumob bin dum nogudwan ting en yumob bin breigim det strongwan pramis weya aibin meigim garram yumob.

Labidakas 10:3

En Mosis bin tok langa Eran, “Dijan na wanim YAWEI bin tok, ‘Ol detlot hu wek blanga mi garra rispek mi, en ai garra shoum olabat det brabli strongbala pawa blanga main langa ol main pipul olabat.’ ” Bat Eran bin jidanbat brabli kwaitbala.

Labidakas 18:21

Nomo gibit yumob biginini blanga sekrifais ofring langa det drimin gulum Molek, dumaji tharran meigim mi brabli nogudbinji.

Labidakas 19:12

En nomo meigimbat laiyawan pramis langa main neim. Wal tharran meigim main neim nogud. Mi na YAWEI det trubala God blanga yumob.

Labidakas 20:3

En if enibodi gibitbat wanbala biginini langa det drimin gulum Molek en meigimbat main Seikridwan Tent nogudwan en rabishimbat main holiwan neim, wal mi brabli wail langa det men, dumaji im nomo blanga main ronwan pipul olabat.

Labidakas 21:21

Wal nomo eni grengrensan blanga Eran hu garram nogudwan bodi, im nomo lau blanga gibitbat det sid daga ofring langa mi.

Labidakas 21:23

Bat dumaji imbin abum nogudwan bodi, im nomo lau blanga kaman iya gulijap langa dijan seikridwan ketin o kaman gulijap langa det teibul blanga ofring, en im kaan meigim nogud detlot seikridwan ting, dumaji mi na YAWEI, en mi na bin meigim detlot ting jidan seikridwan.’ ” Lagijat na YAWEI bin tok.

Labidakas 21:8

Wal detlot pipul garra lafta jinggabat langa det serramonimen im holiwan, dumaji im gibit langa mi det sid daga ofring. Mi na YAWEI en mi brabli holiwan, mi na meigim main pipul olabat holiwan.

Labidakas 3:11

Wal wanbala serramonimen garra barnim holot det ofring langa det teibul blanga ofring.

Nambas 16:5

Afta imbin tok langa Kora en im wekinmenmob, “Tumorro ailibala, YAWEI garra shoum wi wujan blanga im. Dumaji im na garra pikimat wanbala lida hu garra kaman en jandap gulijap langa im.

Fes Pida 2:9

Bat yumob pipul hu bilib, God na bin pikimat yumob, en yumob jidan jis laiga speshalwan serramonimen blanga Jisas Krais det king, en yumob jidan jis laiga ronwan traib blanga im, en yumob na det ronwan pipul blanga God, en imbin pikimat yumob blanga dalimbat ebribodi blanga ola gudbala ting weya imbin dumbat. Basdam yumob nomo bin jidan ronwan pipul blanga God, en yumob nomo bin sabi God im kainbala. Bat tudei yumob jidan ronwan pipul blanga im, en yumob sabi im kainbala, dumaji imbin jingat langa yumob wen yumob bin jidan langa det dakbala pleis, en imbin dalim yumob blanga kaman en jidan langa det brabli gudwan lait blanga im.