Labidakas 19:4 - Kriol Baibul

⁴ “En yumob nomo tenim miselp brom mi en weshipbat olkain laiyawan drimin, en nomo meigimbat drimin sheip brom aiyan en silba blanga weshipbat detlot drimin. Wal mi YAWEI det trubala God blanga yumob.

Labidakas 19:4 Iomraidhean Croise

Fes Kings 14:9

Yubin dumbat mowa nogudbala ting langa detlot hubin jidan king bifo yu. Yu nomo bin bulurrum langa mi en yubin meigim mi brabli wail wen yubin meigimbat olkain aiyanwan drimin sheip blanga weshipbat.

Fes Kranakuls 16:26

Detlot drimin brom najalot kantri, olabat oni laiyawan, bat YAWEI imbin meigim hebin.

Sekan Kranakuls 28:2

en imbin bulurrum det wei blanga ola king brom Isreil. Imbin meigim ola aiyanwan drimin sheip blanga Beil,

Ola Saam 96:5

Detlot drimin blanga najalot kantri olabat laiyawan, weya pipul bin meigimbat, bat YAWEI det trubala God bin meigim ebrijing langa skai.

Eksadas 20:23

Wal yumob kaan meigim enijing deigim pleis blanga im, en yumob kaan meigim enijing garram silba en gol en weship det ting.

Eksadas 32:4

en imbin deigim detlot ring, en imbin meltimap olabat, en imbin spilim det wodawan gol langa hol weya deibin meigim, en wen det gol bin go adwan, imbin deigimat golwan boiwan buligi, en ola Isreil pipul bin tok, “Dijan na det drimin hubin deigidawei wi brom Ijip! Im na det drimin blanga wi Isreil pipul!”

Eksadas 34:17

“Yumob kaan meigim enikain sheip en weship im.

Labidakas 11:44

Mi na YAWEI det trubala God blanga yumob, en yumob garra kipum miselp holiwan, dumaji mi na holiwan.

Labidakas 19:25

Bat langa det namba 5 yiya yumob gin dagat detlot frut daga na. If yumob dum lagijat detlot frut tri blanga yumob garra abum detmatj frut daga. Wal mi na YAWEI det trubala God blanga yumob.

Labidakas 19:5

“Wal wen yumob kilim det enimul blanga det feloship ofring, yumob garra kipum detlot lowa weya aibin gibit yumob, en ai garra gudbinji garram det ofring.

Labidakas 26:1

Wal YAWEI det trubala God bin kipgon tok, “Nomo meigimbat eni drimin sheip, en nomo weshipbat ol detlot drimin ston du. Mi na YAWEI det trubala God blanga yumob.

Hegai 2:18

“Wal brom tudei na yumob garra jinggabat, dumaji tudei na yumob bin binij bildimbat det flopat blanga det Serramoni Pleis main, en yumob garra luk wanim garra hepin langa yumob brom tudei na.

Fes Karinthiyans 10:14

Wal main gudfren olabat, yumob garra libum ola drimin sheip.

Dyudaranami 27:15

“Dei garra tok, ‘Wal YAWEI garra panishim enibodi hu meigim drimin sheip brom ston, wud, o aiyan en weshipbat tharran snikibalawei, dumaji YAWEI nomo laigim detlot pipul hu dum detlot ting.’ “En ola pipul garra tok, ‘Yuwai! Trubala dijan im tok!’

Dyudaranami 4:16

en nomo bulurrumbat det nogudbalawei en meigim eni drimin sheip laik men, o gel,

Dyudaranami 7:25

Yumob garra barnim detlot wudwan en stonwan drimin sheip. Nomo wandimbat detlot silba en gol weya im jidan langa detlot drimin sheip, en nomo deigim blanga yumob ronselp. If yumob dum lagijat tharran garra meigim bigwan trabul kaman langa yumob, dumaji YAWEI nomo laigim lagijat, det wei na weya pipul weshipbat olkainaba ting.

Fes Jon 5:21

Wal main biginini olabat, yumob garra wotjim miselp en nomo larram eni drimin deigidawei yumob. Binij na.