Labidakas 15:21 - Kriol Baibul

^21-23 Enibodi hu tatjim im sweig o enijing weya imbin yusumbat, wal im garra lafta washim im klos en abum bogi en im nomo klinbala blanga serramoni raidap sangodan.

Labidakas 15:21 Iomraidhean Croise

Aisaiya 22:14

“Wal YAWEI det brabli boswan God bin dalim mi dijan pramis, ‘Ai kaan neba larramgo fri olabat blanga dijan nogudbala ting raidap olabat garra dai. Mi na YAWEI det brabli boswan God gibit yu dijan mesij.’ ”

Labidakas 11:24

“If enibodi tatjim o garrimap eni dedwan enimul weya garram fut nomo laiga buligi, en nomo dagat gras, en eni enimul weya garram fobala sofwan fut, wal im garra lafta washim im klos, bat im kaan jidan klinbala blanga serramoni raidap sangodan.

Labidakas 15:20

Wen im jidan lagijat na ebri manth en if im jidan langa enijing o leidan langa enijing, wal det ting nomo klinbala blanga serramoni.

Nambas 19:22

Enibodi hu nomo klinbala blanga serramoni wen im tatjim samting, wal det samting im jidan nomo klinbala blanga serramoni, en enibodi mowa hu tatjim det samting, im jidan nomo klinbala blanga det serramoni raidap sangodan.” Lagijat na YAWEI bin tok.

Sekan Karinthiyans 7:1

Wal main gudfren olabat, wen God bin tok detlot wed, imbin pramisim detlot wed langa wi. En blanga tharran na wi garra meigim miselp klinbala en nomo bulurrumbat detlot nogudbala ting weya meigim wi nogud insaidwei en atsaidwei. En wi garra trai en jidan brabli gudbalawei nomo garram enijing rong, dumaji wi garra rispek God brabliwei.

Hibrus 9:26

If Jisas bina dum lagijat, im bina dai lodataim brom det taim wen God bin meigim dijan kantri raidap tudei. Bat im nomo bin dum lagijat. Imbin kaman wantaim blanga gibit im laif blanga deigidawei ola nogudbala ting weya ola pipul bin dumbat, en imbin kaman wen imbin gulijap taim blanga God blanga binijimap dijan kantri.

Rebaleishan 7:14

Wal aibin tok, “Najing. Mi nomo sabi. Maitbi yu sabi?” Wal det olmen bin dalim mi, “Dislot pipul iya bin deya langa det bigwan trabul. En deibin go thru langa det trabul, dumaji deibin washim olabat klos. Deibin meigim olabat klos brabli waitwan garram det blad blanga det yangwan ship.