Labidakas 14:8 - Kriol Baibul

⁸ Im garra washim im klos en sheibum im hed en im garra bogi en im jidan klinbala blanga serramoni. En im gin kaman langa im kemp na, bat im kaan silip insaid langa im tent fo 7 dei.

Labidakas 14:8 Iomraidhean Croise

Sekan Kranakuls 26:21

Olataim King Yusaiya bin jidan laibala imbin abum det brabli nogudwan skin siknis en im nomo bin klinbala blanga serramoni. Imbin jidan langa im ronwan haus en im nomo bin lau blanga go langa det Serramoni Pleis igin. Im nomo bin lau blanga dum eni wek en im san Jotham bin jidan boswan blanga det kantri.

Eksadas 19:10

en YAWEI bin dalim im, “Yu go en dalim detlot pipul dei garra meigim miselp redi tudei en tumorro blanga weship mi. Dei garra washim olabat klos,

Eksadas 19:14

Wal Mosis bin godan brom det hil, en imbin dalim ola pipul blanga meigim miselp redi blanga weship God, en deibin washim olabat klos,

Labidakas 14:20

en im garra pudum det sid daga ofring mijamet langa det teibul blanga ofring. Wal lagijat na det serramonimen garra abum det serramoni blanga meigim det men o gel fri, en im garra jidan klinbala blanga serramoni.

Labidakas 14:9

Wal langa det namba 7 dei im garra sheibum im hed igin, en im wiska en det aibro en ola heya langa im bodi, en im garra washim im klos, en im garra bogi, en afta tharran im klinbala blanga serramoni.

Labidakas 15:13

“Bambai wen det men bin gitbeda brom det nogudwan sowa, wal im garra lafta jidan 7 dei, en im garra lafta washim im klos en abumbat bogi langa klinwan woda, en im garra jidan klinbala blanga serramoni.

Labidakas 8:6

Wal Mosis bin bringimap Eran en im sanmob deya lidawei langa im, en imbin dalim olabat blanga washim miselp.

Nambas 6:9

“If sambodi dai gulijap langa wan Nesarait, wal im garra weidabat blanga 7 dei en langa det namba 7 dei im garra lafta sheibum im heya, en lagijat na im garra jidan raitwei igin blanga mi.

Nambas 8:7

Yu garra dum lagijat na, dumaji yu garra spilim det brabli gudwan woda langa olabat, en meigim olabat sheibum olabat bodi, en washim olabat klos, wulijim dei garra jidan brabli klinwan blanga serramoni.

Dyudaranami 21:12

wal det men garra deigim det gel langa im kemp weya det gel garra sheib im hed en kadim im bingga neil,

Fes Pida 3:21

Wal det woda weya God bin yusum wen imbin seibum Nowa en im femili olabat, im jis laiga pitja weya God bin seibum wi wen wibin beptais. Yumob sabi? Wen wibin beptais, wi nomo bin washim miselp bodi atsaidwei. Nomo. Wen wibin beptais, wibin meigim pramis langa God weya wi garra bulurrum Jisas Krais brabliwei, en wibin meigim det pramis garram det filing blanga wi streit langa im, en God bin seibum wi, dumaji Jisas Krais bin gidap laibala brom dedbala. En langa im na wibin beptais.

Rebaleishan 7:14

Wal aibin tok, “Najing. Mi nomo sabi. Maitbi yu sabi?” Wal det olmen bin dalim mi, “Dislot pipul iya bin deya langa det bigwan trabul. En deibin go thru langa det trabul, dumaji deibin washim olabat klos. Deibin meigim olabat klos brabli waitwan garram det blad blanga det yangwan ship.