Labidakas 14:5 - Kriol Baibul

⁵ En det serramonimen garra dalim sambodi blanga kilim wanbala bard ontop langa det kleiwan dish garram klinwan spring woda.

Labidakas 14:5 Iomraidhean Croise

Labidakas 14:4

det serramonimen garra dalim sambodi blanga bringimap dubala klinwan bard blanga serramoni deya mijamet garram det wud brom det sidatri en wanbala redwan roup, en detlot bushis brom det tri gulum hisap.

Labidakas 14:50

En det serramonimen garra kilim wanbala bard ontop langa wan klei dish weya garram springwoda.

Labidakas 14:6

En im garra deigim det najawan bard en det wud brom det sidatri, en det redwan roup, en detlot bushis gulum hisap en im garra pudum detlot insaid langa det blad blanga det bard weya deibin kilim.

Nambas 5:17

Im garra spilim sambala seikridwan woda langa det klei boul en deigim sambala graun brom det flopat langa main Seikridwan Tent, en pudum insaid langa det woda en im garra go brabli bitawan.

Sekan Karinthiyans 13:4

Nomeda imbin wikwan wen deibin kilim im ded deya langa det kros, bat stil imbin gidap laibala garram det pawa blanga God. En wen wi joinap garram im, wi jidan wikwan seimwei laik imbin jidan wikwan. Bat wen mi dum det wek, mi dum det wek garram det pawa blanga God, dumaji mi jidan garram im.

Sekan Karinthiyans 4:7

Wal det gudnyus weya melabat garram insaid langa melabat hat im brabli gudwan ting. En nomeda melabat rabishwan, bat stil God bin gibit melabat det gudnyus. En tharran na shoum melabat det brabli strongwan pawa weya melabat abum, im nomo blanga melabat ronwan pawa. Im blanga God ronwan pawa.

Sekan Karinthiyans 5:1

Yu si? Dijan bodi weya wi garram iya langa dijan wel im jis laiga tent weya wi jidan insaid. En wi sabi wen God garra pulumdan dijan tent, im garra gibit wi nyubala bodi deya langa hebin jis laiga haus blanga jidan insaid. Nobodi bin meigim det haus blanga wi. Oni God bin meigim. En det haus garra jidan olagijawan.

Hibrus 2:14

Wal pipul olabat jidan femili blanga im, en blanga tharran na imbin meigim miselp seim laik olabat, dumaji imbin wandi dai blanga bidim det boswan dibuldibul hu garram det pawa blanga meigim pipul dai.