Labidakas 12:3 - Kriol Baibul

³ Langa det namba 8 dei olabat garra sekamsais det boiwan beibi.

Labidakas 12:3 Iomraidhean Croise

Eksadas 22:30

en yu garra gibitbek langa God detlot feswan boiwan enimul weya yu buligi en ship abum du. Det feswan boiwan garra jidan garram im mami 7 dei, en langa det namba 8 dei yu garra gibit im langa God.

Labidakas 12:4

Det mamiwan garra jidan 33 dei mowa bifo im jidan klinbala blanga serramoni, dumaji imbin lujimbat blad. Im kaan tatjim enijing seikridwan o go langa det Seikridwan Tent raidap det taim blanga im garra meigim miselp fri.

Luk Bin Dalim Ola Stori Blanga Jisas Langa Wan Jintail Men 1:59

Wal wen det beibi bin wan wik ol, imbin taim blanga sekamsais im en gibit im neim, en detlot pipul bin wandi gibit det lilboi im dedi neim Sekaraiya.

Luk Bin Dalim Ola Stori Blanga Jisas Langa Wan Jintail Men 2:21

Bambai na wen det beibi bin wan wik ol, deibin deigim im blanga sekamsais im, en deibin gulum im neim Jisas. Det neim na det einjul bin gibit im bifo im mami Meri bin abum im.

Eks Hau Det Gudnyus Blanga Jisas Krais Bin Spredat Ebriweya 15:1

Bambai na sambala men bin kaman langa det taun gulum Entiyak brom det kantri gulum Judiya, en deibin dalimbat ola bilibamob, “If yumob nomo sekamsais jis laik im tok langa det lowa weya Mosis bin gibit wi, wal God kaan seibum yumob.”

Romans 3:19

Wal ebrijing weya det lowa tok, wi sabi im tok langa detlot pipul hu bulurrum det lowa, en det lowa im deya blanga meigim detlot pipul sabi weya dei rong en dei kaan tok enijing,

Galeishans 3:17

Yumob sabi wanim mi tok? Longtaim God bin meigim det pramis garram Eibrahem, en imbin tok im garra kipum det pramis. En bambai na 430 yiyastaim God bin gibit det lowa langa Mosis. Bat det lowa kaan meigim God breigim det pramis weya imbin gibit langa Eibrahem en tjakidawei.

Galeishans 5:3

Wanmo mi dalim yumob. If yumob larram enibodi meigim yumob bulurrum det wanbala lowa blanga sekamsais, wal yumob lafta bulurrum ol detlot lowa.

Dyudaranami 30:6

En YAWEI garra tjeinjim yumob en yumob biginini olabat laif blanga wandi bulurrum im holbit, wulijim yumob garra laigim im garram yumob hat holbit, en yumob garra kipgon jidanbat langa det kantri.

Falipiyans 3:5

Bat ai garram gud risan blanga trastim det lowa brabliwei, dumaji aibin sekamsais wen aibin wanwik ol, en main mami en dedi dubala bin Juwish pipul, en mi brom det Juwish klen gulum Benjamin, en mi ful Hibrumen, en aibin bulurrum det lowa brabliwei, dumaji aibin jidan serramonimen gulum Ferasi,

Kaloshans 2:11

Wal wen yumob bin joinap garram Jisas Krais, yumob bin sekamsais. Bat nomo det sekamsais weya pipul dum langa olabat bodi. Det sekamsais weya Jisas Krais bin kadimat yumob brom det olbalawei blanga yumob, dumaji wen yumob bin beptais, im jis laik yumob bin dai, en deibin gaburrumap yumob garram im, en yumob bin gidap laibala brom dedbala garram im du, dumaji yumob bin bilib langa det pawa blanga God weya bin meigim im gidap laibala.