Labidakas 11:8 - Kriol Baibul

⁸ Yumob nomo lau blanga dagat detlot enimul o tatjim olabat wen olabat dedwan, dumaji olabat nomo klinbala blanga serramoni.

Labidakas 11:8 Iomraidhean Croise

Aisaiya 52:11

Yumob libum det taun gulum Bebalon. Yumob nomo tatjim enijing weya im nomo klinbala. Yumob meigim miselp klinbala en redibala blanga garrimapbat ola seikridwan ebrijing blanga YAWEI.

Hoseiya 9:3

Ol yumob Isreil pipul kaan jidan langa dijan kantri blanga YAWEI. Yumob garra gobek langa Ijip, en yumob garra dagat ola nogudwan daga deya langa Asiriya.

Labidakas 11:7

Wal yumob nomo lau blanga dagat bigibigi. Im nomo klinbala blanga serramoni. Im garram det fut jis laiga buligi, bat im nomo dagat gras laiga buligi.

Labidakas 11:9

“Yumob gin dagat ola fish weya im garram fin en skeil.

Labidakas 5:2

“En if enibodi nomo bin luk gudwei, en im tatjimbat samting weya im nomo klinwan blanga serramoni, jis laik det dedwan enimul, wal im nomo klinbala. Wal im gilti wen im sabi wanim imbin dumbat.

Methyu 15:11

Wen yumob dagat enijing, en det daga gowin insaid langa yumob, det daga nomo meigim yumob nogudwan. Oni detlot ting weya kamat brom insaid langa yumob hat, detlot ting na meigim yumob nogudwan.”

Methyu 15:20

Yumob sabi na? Detlot serramonimen oldei tok, ‘If yumob nomo washimbat miselp bingga bifo yumob dagat, wal det dardiwan bingga meigim yumob nogudwan.’ Bat tharran nomo trubala, dumaji detlot nogudbala ting weya kamat brom insaid langa yumob hat, detlot ting na meigim yumob nogudwan.” Lagijat na Jisas bin tok.

Mak Bin Dalim Ola Stori Blanga Jisas 7:15

Wen yumob dagat enijing, im nomo meigim yumob nogudwan wen im gowin insaid langa yumob. Oni detlot ting weya kamat brom insaid langa yumob hat, detlot ting na meigim yumob nogudwan.”

Mak Bin Dalim Ola Stori Blanga Jisas 7:18

en Jisas bin dalim olabat, “Wotfo yumob askimbat mi? Yumob bina sabi na. Wen yumob dagat enijing, det daga kaan meigim yu nogudwan wen im gowin insaid langa yumob, dumaji im nomo gowin langa yumob hat.

Eks Hau Det Gudnyus Blanga Jisas Krais Bin Spredat Ebriweya 10:28

en Pida bin dalim olabat, “Yumob sabi wanim det lowa blanga melabat Juwish pipul tok. Det lowa im tok melabat nomo lau joinin langa Jintail pipul, en melabat nomo lau gowin langa olabat haus du. Bat God bin dalim mi nomo blanga gulum enibodi nogudwan,

Eks Hau Det Gudnyus Blanga Jisas Krais Bin Spredat Ebriweya 15:29

Yumob kaan dagat eni daga weya deibin yusum langa eni serramoni, en yumob kaan dringgim eni blad, en yumob kaan dagat eni enimul weya deibin jugum, en yumob kaan silip nogudbalawei garram enibodi. En if yumob lukaftum miselp en bulurrum det fobala lowa, wal yumob jidan gudbalawei. Wal gudbai na.” Lagijat na det leda bin tok.

Romans 14:21

Wi nomo wandi meigim wi braja o sista olabat dumbat nogudbala ting. Mobeda wi libum dagadagat bif en dringgimbat wain o dumbat enijing weya garra meigim wi braja o sista olabat dum nogudbala ting.

Fes Karinthiyans 8:8

Bat dei nomo sabi brabliwei det daga kaan meigim wi jidan hau God wandim wi blanga jidan. Nomeda wi dagat det daga o libum det daga, bat stil wi jidan seimwei.

Sekan Karinthiyans 6:17

En blanga tharran na God det Bos blanga wi bin tok wi garra gowei brom detlot pipul hu nomo blanga im pipul. Wi garra kadimat miselp brom olabat, en wi kaan joinin langa enijing weya nomo gudwan. En God bin tok im garra gudbinji langa wi,

Ifishans 5:11

en yumob kaan joinin langa ol detlot nogudbala ting weya kamat brom det dakbala. Yumob garra shoum ola pipul detlot ting brom det dakbalawei, olabat brabli nogud.

Ifishans 5:7

En yumob nomo wandi joinin garram detkain nogudbala pipul.

Kaloshans 2:16

Wal nobodi kaan meigim yumob bulurrum detlot lowa blanga ola daga en dringk en blanga detlot serramoni weya dei abum ebriyiya en ebrimanth en ebriwik.

Hibrus 9:10

Yumob sabi na? Det olbala lowa nomo bin oldei wek insaid langa enibodi hat. Imbin wek atsaidwei raidap det taim weya God bin meigim det nyubalawei.