Labidakas 10:9 - Kriol Baibul

⁹ “If yu o yu dubala san dringgimbat wain o biya, wal tharran hubin dringgimbat nomo lau go insaid langa det Seikridwan Tent blanga main. If yumob dum lagijat, wal yumob garra dai. Wal dijan lowa yu en ola bigininimob hu garra kaman afta yu garra kipgon dumbat.

Labidakas 10:9 Iomraidhean Croise

Eksadas 27:21

Yu braja Eran en im fobala san garra pudum det lemp insaid langa det Seikridwan Tent weya ai garra jidan. Bat dei garra pudum det lemp atsaid langa det ketin weya im blandim det Seikridwan Boks garram det dubala ston garram ola lowa. Deya na det lemp garra barn brom sangodan raidap sanrais. En ol detlot Isreil pipul en ola biginini blanga olabat garra bulurrum dijan lowa olagija.”

Prabebs 20:1

Wen yu dringgim loda wain im meigim yu mokimbat enibodi en grog meigim yu faitfait. Enibodi hu laigim jidan drangginwan kaan sabi enijing.

Aisaiya 28:7

Wal aibin kipgon tok, “Ol detlot serramonimen en speshalwan mesinja oldei buldanbat, dumaji olabat oldei jidan drangginbala. Olabat nomo sabi det wed blanga God en dei nomo gibit feyago langa detlot pipul hu oldei wandim olabat blanga album olabat.

Isikiyel 44:21

En olabat kaan dringgim eni wain bifo olabat garra go insaid langa det insaidwan kotyad.

Hoseiya 4:11

Wal YAWEI bin kipgon tok, “Olkain wain meigim main pipul olabat nomo jinggabat gudwei,

Labidakas 10:8

Wal YAWEI bin tok langa Eran,

Labidakas 3:17

En nomo eni Isreil pipul lau blanga dagat eni fet o eni blad. En dijan na tharran lowa weya ola Isreil pipul garra kipum olataim nomeda weya dei jidan.”

Nambas 6:20

Brom deya na det serramonimen garra deigim det bif, damba en biskit en im garra gibit det speshalwan presen langa mi. Detlot na seikridwan ofring blanga det serramonimen. En det briskit en det leig blanga det dediwan ship olabat blanga det serramonimen du, dumaji dijan na det lowa blanga det serramonimen. Afta na im kaan jidan Nesarait en im gin dringgim det wain, dumaji im fri brom det pramis weya imbin meigim.

Nambas 6:3

wal im kaan dringgim eni wain o grog. Im kaan dringgim enijing brom det greip fam, en im kaan dagat eni greip o reisan.

Luk Bin Dalim Ola Stori Blanga Jisas Langa Wan Jintail Men 1:15

“Wal det san blanga yu garra jidan brabli haibala langa Godwei, en im kaan dringgim eni wain en strongwan dringk. En det Holi Spirit garra jidan langa im brom det taim bifo im garra bon,

Ifishans 5:18

Wal yumob nomo wandi jidan drangginbala, dumaji det grog im deigidawei yumob en meigim yumob laif nogud. Yumob garra larram det Holi Spirit jidan langa yumob brabliwei,

Fes Timathi 3:3

en im kaan jidan drangginwan, en im kaan faidabat langa pipul. Im garra jidan kainwan en nomo agaminbat langa enibodi, en im kaan gridi blanga mani.

Fes Timathi 3:8

Wal ola tjetj lida garra jidan seimwei lagijat du. Dei garra jidan gudbalawei wulijim ola pipul garra rispek langa olabat, en dei garra oldei tok trubalawei, en dei kaan jidan drangginwan, en dei kaan gridi blanga mani.

Fes Timathi 5:23

Wal maitbi yu reken yu kaan jidan gudbalawei if yu dringgimbat wain. Bat ai dalim yu. Yu kaan dringgimbat woda oldei. Yu garra dringgim lilbit wain du blanga album det binji blanga yu, dumaji yu oldei sik.