Labidakas 10:7 - Kriol Baibul

⁷ Wal yumob kaan libum det Seikridwan Tent. If yumob gowei brom iya yumob garra dai, dumaji yumob jidan speshalwan brom det speshalwan oliboil blanga YAWEI.” Lagijat na Mosis bin tok. Wal deibin duwit wen Mosis bin tok langa olabat lagijat.

Labidakas 10:7 Iomraidhean Croise

Eksadas 28:41

Yu garra meigim yu braja Eran en im fobala san werrimon detlot klos na, en yu garra abum serramoni blanga kadimat olabat brom ola najalot pipul en hendimoba olabat langa mi, en yu garra spilim oliboil langa olabat blanga meigim olabat jidan serramonimen blanga mi.

Eksadas 29:7

Afta yu garra gajim det speshalwan oil, en yu garra spilim det oil langa im hed,

Eksadas 30:30

“Afta yu garra rabum Eran en im fobala san garram det oil en meigim olabat jidan serramonimen blanga mi.

Labidakas 10:8

Wal YAWEI bin tok langa Eran,

Labidakas 8:12

Imbin meigim Eran jidan serramonimen wen imbin spilim det speshalwan oliboil langa im hed.

Labidakas 8:30

Wal Mosis bin gajim sambala speshalwan oliboil, en sambala blad brom det teibul blanga ofring, en imbin spilim langa Eran en im sanmob en langa olabat klos. Wal lagijat na imbin meigim detlot men en detlot klos speshalwan blanga YAWEI.

Luk Bin Dalim Ola Stori Blanga Jisas Langa Wan Jintail Men 9:60

Wal Jisas bin dalim im, “Yu larram ol detlot pipul hu kaan bulurrum mi lukaftum det olmen, en yu go en dalimbat ola pipul blanga det nyubalawei blanga God.”

Eks Hau Det Gudnyus Blanga Jisas Krais Bin Spredat Ebriweya 10:38

En yumob sabi det stori blanga Jisas hubin kaman brom Nesareth. God bin gibit im det Holi Spirit en pawa, en imbin go ebriweya dumbat gudbala ting, en imbin oldei andimwei dibuldibul brom insaid langa pipul en meigim olabat gudbala, dumaji God bin oldei deya garram im.

Sekan Karinthiyans 1:21

Oni God na meigim wi jandap strongbala garram Jisas Krais, dumaji im na bin kadimat wi brom det olbalawei en pudum wi langa det nyubalawei,