Labidakas 10:11 - Kriol Baibul

¹¹ Yu garra lafta titjimbat ola Isreil pipul ol detlot lowa weya aibin gibit langa yu thru langa Mosis.” Lagijat na YAWEI bin tok.

Labidakas 10:11 Iomraidhean Croise

Sekan Kranakuls 15:3

“Fo longtaim na, ola Isreil pipul nomo bin weshipbat langa YAWEI en nomo bin teiknodis langa detlot serramonimen hubin titjimbat olabat blanga God. Dei nomo bin kipum det lowa blanga God.

Sekan Kranakuls 17:9

Deibin gajim det buk garram ola lowa blanga YAWEI, en deibin go langa ol detlot taun blanga Juda, en deibin titjimbat ola pipul.

Sekan Kranakuls 30:22

Wal King Hesakaiya bin preisim detlot Libaimen du wen deibin dum ol det wek gudwei blanga weship langa YAWEI. Afta langa det 7 dei wen deibin gibitbat ola sekrifais ofring en preisimbat langa YAWEI det trubala God blanga ola Isreil pipul,

Niyamaiya 8:2

Wal Esra bin kaman en imbin bringimap det buk deya langa det opin pleis weya ola pipul bin jidan, ola men, ola wuman en ola biginini hubin sabi bin deya. Deya na wansaid langa det geit, Esra bin ridimat det lowa langa olabat. Brom sanrais raidap dinataim imbin ridimbat det lowa langa olabat en deibin ol irrim brabliwei.

Niyamaiya 8:8

Dislot men bin ridim det buk garram ola lowa du, en afta deibin dalim detlot pipul wanim det lowa bin tok garram olabat ronwan langgus wulijim dei gin sabi wanim detlot serramonimen bin ridimat.

Jeramaiya 18:18

Afta na detlot pipul bin tok, “Wi garra lafta dum samting langa Jeramaiya. Sambala serramonimen garra jidan iya olataim blanga toktokbat langa wi, en klebabalamen blanga gibitbat wi woning, en speshalwan mesinja blanga dalimbat wi blanga God mesij. Wi garra lafta dalimbat laiya stori blanga im, en wi garra stap lisinbat langa im.”

Jeramaiya 2:8

En detlot serramonimen nomo bin askim, ‘Weya YAWEI?’ Detlot lowamen nomo bin sabi mi, najing. En detlot lida bin gibit mi bekboun du. Detlot speshalwan mesinja bin oldei toktokbat garram det neim blanga Beil, en olabat bin oldei weshipbat olkain nogudwan drimin sheip.”

Melakai 2:7

Aibin gibit ola serramonimen det wek na blanga kipgon titjimbat ol main lowa brabliwei. Pipul gin go langa olabat blanga len en detlot serramonimen garra titjim olabat dumaji olabat mesinja blanga mi na, YAWEI det haibala bos blanga olabat.

Methyu 28:20

Yumob garra shoumbat olabat blanga dum ebrijing weya aibin shoumbat yumob. En ai kaan libum yumob. Nomeda wujei yumob go, bat stil mi garra oldei jidan deya garram yumob olataim.” Lagijat na Jisas bin tok. Binij na.

Eks Hau Det Gudnyus Blanga Jisas Krais Bin Spredat Ebriweya 20:27

If enibodi brom yumob garra go langa det helfaiya, wal im nomo main folt tharran, dumaji aibin dalimbat yumob ebrijing blanga det nyubalawei blanga God. Ai nomo bin blandim enijing brom yumob.

Dyudaranami 17:10

Detlot garra dalim yumob wanim rait en yumob garra dum wanim detlot dalim yumob blanga dum.

Dyudaranami 17:11

Nomo ensabek langa det haibala lowamen en detlot serramonimen. Yumob garra dum ebrijing wanim detlot dalim yumob blanga dum.

Dyudaranami 24:8

“En maitbi yumob garram det brabli nogudwan skin siknis. Wal yumob lafta teiknodis wanim detlot serramonimen brom det Libai klen garra dalim yumob blanga meigim yumob gudwan, dumaji yumob garra bulurrum det lowa aibin gibit langa detlot serramonimen.

Dyudaranami 33:10

Olabat na garra titjimbat ola pipul, wulijim olabat garra teiknodis en duwit langa yu lowa. En detlot pipul garra oldei pudum sekrifais ofring en barnim det gudsmelwan medisin langa det teibul blanga ofring blanga yu.

Fes Thesaloniyans 4:2

Wal yumob sabi melabat nomo bin tok langa yumob brom melabat ron mawus. Jisas Krais det Bos blanga wi bin dalim melabat wanim blanga tok langa yumob. En lagijat na melabat bin tok.