Labidakas 1:15 - Kriol Baibul

¹⁵ Det serramonimen garra pudum langa det teibul blanga ofring, en breigim det bard nek, en barnim im hed langa det teibul. En im blad garra randan atsaidwei langa det teibul blanga ofring.

Labidakas 1:15 Iomraidhean Croise

Ola Saam 22:1

Main God, main God, wotfo yubin libum mi? Wotfo yu jidan longwei brom mi? Mi jingat langa yu. Wotfo yu nomo album mi?

Ola Saam 22:21

Ol main enami jidan brabli krulbala. Seibum mi brom olabat. Olabat jis laik detlot wailwan bul en laiyan.

Ola Saam 73:10

en ola pipul blanga YAWEI bin bulurrum olabat, en bilib wanim olabat bin tok.

Aisaiya 53:10

Wal YAWEI bin tok, “Wal lagijat na aibin meigim det plen blanga det wekinmen blanga abum det trabul en pein, en gibit miselp jis laiga sekrifais ofring blanga deigimwei ol detlot nogudbalawei blanga ola pipul, en meigim olabat jidan nomo giltiwan. Blanga tharran na, det wekinmen garra jidan laibala en luk hau imbin seibum detmatj pipul en ol detlot pipul hu garra kaman bambai. Imbin dum ebrijing wanim aibin wandim im blanga dum.

Fes Jon 2:27

Bat Jisas Krais bin gibit yumob im Holi Spirit, en det Holi Spirit jidan insaid langa yumob, en blanga tharran na yumob kaan wandim enibodi blanga titjimbat yumob, dumaji det Holi Spirit na titjimbat yumob blanga ebrijing, en ebrijing weya im lenimbat yumob im trubala. Im nomo lenimbat yumob laiyawan wed. Yumob sabi na? Yumob garra oldei duwit wanim det Holi Spirit lenimbat yumob, en if yumob duwit langa im, wal yumob garra kipgon jidan joinap garram Jisas Krais.

Jadjis 6:38

Lagijat na Gidiyan bin tok langa God. Wal imbin hepin seimwei laik Gidiyan bin tok. Ailibala imbin gidap, en imbin faindim det wul bin jidan wetwan, en wen imbin skwisim det wul, detmatj woda bin randan en bilimap det dish raitful. Bat det graun bin stap draiwan.