Joshuwa 9:9 - Kriol Baibul

⁹ Wal detlot pipul bin tok, “Bos, melabat bin kaman brom longwei kantri, dumaji melabat bin irrim det nyus blanga YAWEI det God blanga yumob. Melabat bin irrim det stori weya imbin album yumob wen yumob bin deya langa Ijip,

Joshuwa 9:9 Iomraidhean Croise

Fes Kings 8:41

“Bambai wen pipul hu jidan langa najawan kantri lisin hau yu jidan, en blanga ola brabli gudwan ting weya yubin dum blanga yu pipul en wen dei kaman blanga weship en prei langa yu iya langa dijan Serramoni Pleis,

Niyamaiya 9:5

Afta na dislot serramonimen bin tok langa ola pipul, Jeshuwa, Kedmiyel, Bani, Hashabaneiya, Sherebaiya, Hodaiya, Shebanaiya en Pethahiya. Deibin tok, “Jandap en preisim YAWEI det trubala God blanga wi. Preisim im olagijawan! Ola pipul garra preisim wi speshalwan God. Im brabli haibala. Wi kaan sabi hau blanga preisim im brabliwei.”

Ola Saam 148:13

Larram olabat holot preisim det neim blanga YAWEI! Im neim im mowa haibalawan langa ola najalot neim. Im jidan mowa haibalawan langa dijan wel en langa hebin.

Ola Saam 72:19

Preisim im haibala neim olagijawan. Larram ola pipul ebriweya sabi det haibalawei blanga im. Yuwai! Trubala!

Ola Saam 78:12

God bin dum ol detlot klebabala ting garram im pawa langa det plein kantri gulum Sowan, langa det kantri Ijip. En detlot femili blanga olabat bifo bin lukinat imbin dumbat.

Ola Saam 83:18

YAWEI, meigim olabat sabi oni yu na wanbala det trubala God, en oni yu na jidan det brabli haibala boswan blanga dijan wel.

Eksadas 15:14

Wen ola najalot pipul garra irrim dis stori, dei garra bradin brabliwei. Wen ola Filastain pipul garra irrim dis stori, dei garra bradin brabliwei.

Eksadas 9:16

Bat imbin larram yumob kipgon jidan laibala, dumaji im wandim yu garra luk det pawa blanga im, en afta wen yu luk det pawa blanga im, det stori garra spredat ebriweya, en pipul langa ebri kantri garra tokabat YAWEI det haibala God.

Aisaiya 55:5

Yumob garra jingat langa detlot pipul brom najalot kantri, weya yumob nomo sabi olabat. En olabat nomo sabi yumob du, bat olabat garra ol kaman en ranranbat langa yumob, dumaji mi na YAWEI det brabli holiwan God blanga ola Isreil pipul, en mi na bin meigim olabat rispek langa yumob.” Lagijat na YAWEI bin tok.

Nambas 14:15

If yu garra kilim ded ola pipul blanga yu, det najalot pipul hubin irrim ola klebabala ting wanim yubin oldei dumbat garra tok,

Nambas 20:14

Wal Mosis bin jandim sambala mesinja brom Keidish langa det king blanga Idam. Olabat bin tok, “Dijan wed brom yu kantrimen, det traib blanga ola Isreil pipul. Yu sabi ola adtaim melabat bin abumbat,

Eks Hau Det Gudnyus Blanga Jisas Krais Bin Spredat Ebriweya 8:7

en imbin andimwei loda nogudbala spirit brom loda pipul, en wen detlot nogudbala spirit bin kamat brom olabat, deibin oldei jingat adbala, en Filip bin meigim loda leimbala pipul en kripul pipul gudwan du,

Dyudaranami 20:11

If olabat opinimap det geit en gibit miselp langa yumob, wal dei garra jidan wekinmen en wekingel laiga prisana en wek brabli adbalawei blanga yumob.

Dyudaranami 20:15

Lagijat na yumob garra dumbat langa ola najalot taun weya jidan longwei brom det kantri weya yumob garra jidan.

Joshuwa 9:10

en melabat bin irrim det stori du weya yumob bin bidim ol detlot Emarait pipul det said langa det Jodan Riba en yumob bin kilim ded det dubala men neim Saihan en Og hubin jidan king blanga olabat. Det king Saihan bin brom det taun gulum Heshban, en det king Og bin bos blanga det kantri gulum Beishan, en imbin oldei jidan langa det taun gulum Eshtaroth.

Joshuwa 9:16

Brom deya thrideistaim ola Isreil pipul bin faindat detlot Gibiyan pipul bin trikim olabat. Dei nomo bin kaman brom longwei kantri. Deibin kaman brom deya gin.

Joshuwa 9:17

En wen detlot Isreil pipul bin faindat, deibin bulurrum detlot pipul, en thrideistaim deibin kamat langa det fobala taun weya detlot pipul bin oldei jidan. Det fobala taun na deibin gulum Gibiyan, Kefara, Biroth en Kiriyajerim.

Joshuwa 9:24

Wal detlot pipul bin tok, “Bos, melabat bin trikim yumob, dumaji melabat bin bradin blanga dai. Melabat bin irrim det stori blanga YAWEI det God blanga yumob, en melabat sabi imbin dalim det wekinmen neim Mosis blanga gibit yumob ola kantri en kilim ded ola pipul. En wen melabat bin irrim det stori, melabat bin bradin blanga yumob.