Joshuwa 8:9 - Kriol Baibul

⁹ Lagijat na Joshuwa bin dalim detlot solja, en streidawei deibin go en blandim miselp sangodansaid rait langa midul langa det dubala taun gulum Eiyai en Bethel. Deya na deibin weidabat blanga Joshuwa blanga dalim olabat blanga gowin langa det taun. Wal Joshuwa bin silip deya weya ola Isreil pipul bin jidan,

Joshuwa 8:9 Iomraidhean Croise

Jenasis 12:8

Brom deya Eibram bin go langa det hil kantri, en imbin ringimap im tent deya langa midul langa det dubala taun gulum Bethel en Eiyai. Bethel bin sangodansaid, en Eiyai bin sanraisaid, en deya na Eibram bin pailimap ston igin blanga jinggabat YAWEI en blanga weship langa im.

Jenasis 32:21

Afta na wen Jeikob bin jandim ol detlot enimul lida, imbin kemp deya gin.

Joshuwa 7:2

Bambai na Joshuwa bin jandim sambala men langa det taun gulum Eiyai deya gulijap langa det pleis gulum Bethaben sanraisaid brom det taun gulum Bethel. Imbin dalim olabat, “Yumob go lukaran det kantri snikinwei.” En deibin dum wanim imbin dalim olabat,

Joshuwa 8:10

en ailibala gin wen imbin gidap, imbin majurrumap ola najalot solja blanga im, en imbin go lida langa olabat garram ola boswan Isreil men,

Joshuwa 8:12

Afta na Joshuwa bin deigim 5,000 solja, en imbin go en blandim olabat sangodansaid rait langa midul langa det dubala taun gulum Eiyai en Bethel.

Joshuwa 8:8

en afta yumob garra barnimap det taun, dumaji YAWEI bin tok wi garra barnimap. Wal gowan na! Yumob go blandim miselp.”

Fes Semyul 30:27

Wal Deibid bin jandim det wed en ol detlot enijing langa detlot Isreil pipul deya langa detlot taun gulum Bethel, Rema deya sauthsaid langa Juda, Jeitiya, Eroya, Sifmoth, Eshtamowa, Reikal, Homa, Borashan, Ethak, en Hebran, en langa det Jeramiyel klen en detlot Kenait pipul. En imbin jandim langa ola najalot taun weya Deibid en im men olabat bin go du.