Joshuwa 8:16 - Kriol Baibul

¹⁶ en det king bin majurrumap ola men brom det taun blanga ranimap olabat, en Joshuwa en detlot solja bin meigim olabat kipgon gowei longwei brom det taun.

Joshuwa 8:16 Iomraidhean Croise

Ola Saam 9:16

YAWEI bin shoum miselp wotkain im, dumaji im gibit feyago langa ebribodi. Ola nogudbala pipul faindim miselp langa olabat ronwan trep, wen dei oldei dumbat nogudbala ting.

Joshuwa 8:17

Bambai na ola men brom det taun bin ranimap detlot Isreil solja, en nobodi bin deya blanga maindim det taun.

Rebaleishan 16:14

Detlot thribala spirit bin brabli nogudwan. Deibin brabliwan dibuldibul, en dei garra dumbat olkain klebabala ting, en dei garra go ebriweya langa ebri kantri en majurrumap ola boswan blanga fait langa God. En wen det rait taim garra kaman, dei garra abum det laswan fait langa God.

Jadjis 20:31

Wal bifo deibin go en fait, detlot Isreil solja bin meigim plen blanga deigidawei detlot Benjamin solja brom det taun en fait langa olabat atsaidwei langa det dubala meinwan roud. Wal detlot Benjamin solja nomo bin sabi det plen, en wen deibin kamat brom det taun blanga fait, deibin stat kilimbat detlot Isreil solja deya langa det dubala meinwan roud. Deibin kilim 30 solja ded, en ol detlot najalot Isreil solja hubin fait deya bin stat ranawei blanga deigidaweibat olabat brom det taun. Bat detlot Benjamin solja bin reken deibin bidim olabat, en deibin tok, “Wibin bidim olabat seimwei laik bifo.”