Joshuwa 8:1 - Kriol Baibul

¹ Brom deya YAWEI det trubala God bin dalim Joshuwa, “Yu garra majurrumap ola Isreil solja, en yu garra go langa det taun gulum Eiyai. Yu kaan bradin en nogudbinji, dumaji ai garra meigim yu win det fait, en yu garra bidim det king en ola pipul blanga im, en ai garra gibit yu det taun en ola kantri blanga detlot pipul.

Joshuwa 8:1 Iomraidhean Croise

Ola Saam 27:1

YAWEI det trubala God, im jis laiga lait blanga mi. Im gin seibum mi. Wotfo mi oldei bradin? YAWEI im strongwan blanga lukaftumbat mi. Ai kaan bradin blanga enijing.

Ola Saam 44:3

Blanga yu pipul olabat nomo bin fait garram olabat spiya blanga teikoba det kantri. Dei nomo bin win garram olabat ronwan pawa, bat garram yu strongbala pawa yubin album olabat. Dumaji yubin deya garram olabat, yubin shoum olabat haumatj yubin laigim olabat.

Ola Saam 46:11

YAWEI det boswan God im iya garram wi na. Det God blanga Jeikob, im oldei lukaftumbat wi.

Aisaiya 12:2

YAWEI main God, mi oldei trastimbat oni langa yu blanga seibum mi. Ai kaan neba bradin. Mi fil brabli strongbala brom det pawa blanga yu. Oni yu na bin seibum mi.

Aisaiya 43:2

“Mi deya garram yumob wulijim yumob kaan draun. Wen yumob garra wokwokbat thru langa faiya, yumob kaan barnbarn brom det faiya.

Jeramaiya 46:27

Wal YAWEI bin tok na, “Main pipul olabat, yumob nomo bradin. Ai garra bringimbek yumob brom det longweiwan kantri, brom det kantri weya yumob bin oldei jidanbat prisana. Yumob garra kambek langa yumob ronwan kantri en jidan brabli gudwei. Yumob garra jidan seifwan, en nobodi kaan bradinim yumob enimo.

Jeramaiya 49:3

Ola pipul brom Heshban, yumob garra kraikrai nomo lilbit dumaji det taun gulum Ai, im binij na. Wal detlot solja garra deigimwei yumob drimin gulum Molek langa najawan kantri garram im serramonimen en detlot boswan. Wal ol yumob wuman brom Reiba, yumob garra ol kraikraibat en olabat werrimonbat sekbeigwan klos. Yumob ranranbat ebriweya en nomo sabi weya blanga go blanga faindim seifwan pleis.

Denyul 2:21

Yu na meigim ebrijing kipgon, en yu na oldei gibit pawa langa ola king, en yu na gin deigidawei det pawa blanga ola king. Yu na oldei gibit gudbala main langa pipul, en yu na meigim olabat sabi.

Denyul 4:25

Yubin oldei jidan garram ola pipul bat olabat garra andimwei yu na en yu garra jidan garram ola wailwan enimul. Blanga 7 yiya yu garra dagadagatbat gras laik ola buligi en yu garra silip eniweya en det dyu garra buldan langa yu. Afta na yu garra sabi det Brabli Haibala God na bos oba langa ebribodi en ola boswan du. Im na gin gibit pawa blanga jidan bos langa enibodi weya im pikimat.

Denyul 4:35

Im oldei lukinat ola pipul langa dijan wel. Olabat najing. Im jidan bos langa ola einjul langa top en langa ola pipul langa dijan wel. Nobodi kaan go oba langa im, en nobodi kaan tok, ‘Wotfo yu dum lagijat?’

Methyu 8:26

Wal Jisas bin dalim detlot wekinmen, “Wotfo yumob nomo bilib langa mi?” Afta na Jisas bin gidap, en imbin dalim det strongbala win en bigbala weib blanga stap, en streidawei det win en weib bin stap, en ebrijing bin jidan kwaitbala na.

Dyudaranami 31:8

Wal YAWEI, im garra go garram yu en im garra jidan garram yu. Im kaan libum yu en im garra oldei album yu, en yu kaan bradin en yu kaan wori.” Lagijat na Mosis bin tok.

Dyudaranami 7:18

Nomo bradin blanga olabat. Yumob jinggabat wanim YAWEI det trubala God blanga wi bin dum langa det king blanga Ijip en langa ol im pipul deya.

Dyudaranami 7:21

Wal nomo bradin blanga dislot pipul. YAWEI det trubala God blanga wi im jidan garram yumob. Im na det brabli haibalawan God en yu garra gibit im rispek brabliwei.

Joshuwa 1:9

“Wal yu irrim mi brabliwei na. Mi na YAWEI, en mi na dalimbat yu blanga jidan strongbala en nomo bradin, dumaji ai garra jidan garram yu nomeda wujei yu go.” Lagijat na God bin tok langa Joshuwa.

Joshuwa 10:7

Wal streidawei Joshuwa bin majurrumap ola gudwan solja blanga im, en imbin majurrumap ola najalot solja blanga im du, en deibin ol go langa det taun,

Joshuwa 10:8

en YAWEI det trubala God bin dalim Joshuwa, “Yu kaan bradin blanga detlot Emarait pipul, dumaji ai garra meigim yu bidim olabat, en nobodi kaan bidim yu.”

Joshuwa 2:24

en dubala bin tok, “Minbala sabi na, YAWEI bin gibit ol det kantri langa wi, en ol detlot pipul dei bradin blanga wi brabliwei.”

Joshuwa 6:2

Afta na YAWEI det trubala God bin dalim Joshuwa, “Ai garra gibit det taun langa yu, en ai garra meigim yu bidim det king en im solja olabat.

Joshuwa 7:9

en ola Keinanait pipul en ola najalot pipul garra irrim det nyus, en afta dei garra majurrumap miselp raidaran langa melabat, en dei garra kilim melabat holot ded. Wal wanim yu garra dum blanga lukaftumbat det haibala neim blanga yu? Dumaji if melabat holot dai, wal nobodi kaan sabi yu neim en rispek langa yu.” Lagijat na Joshuwa bin tok.