Joshuwa 6:2 - Kriol Baibul

² Afta na YAWEI det trubala God bin dalim Joshuwa, “Ai garra gibit det taun langa yu, en ai garra meigim yu bidim det king en im solja olabat.

Joshuwa 6:2 Iomraidhean Croise

Sekan Semyul 5:19

en wen King Deibid bin irrim olabat bin deya, imbin askim YAWEI wanim im garra dum, “Yu wandim mi blanga go en fait langa detlot Filastain solja? En if mi go en fait langa olabat, yu garra meigim mi bidim olabat?” Wal YAWEI bin tok, “Yuwai. Yu garra go en fait langa olabat, en ai garra meigim yu bidim olabat.”

Niyamaiya 9:24

Olabat bigininimob bin kaman en teikoba dijan kantri. Yubin go lida, en detlot pipul hubin jidan iya bifo, detlot Keinanait pipul, yubin meigim olabat wikwan. Yumob pipul olabat bin kaman biyain, en deibin bidim detlot pipul blanga dijan kantri. Deibin bidim ola king en pipul olabat, en detlot pipul langa dijan kantri nomo bin stapam olabat.

Denyul 2:21

Yu na meigim ebrijing kipgon, en yu na oldei gibit pawa langa ola king, en yu na gin deigidawei det pawa blanga ola king. Yu na oldei gibit gudbala main langa pipul, en yu na meigim olabat sabi.

Denyul 2:44

“Haibala bos, yubin luk hau det ston bin breik brom det bigwan hil wen nobodi nomo bin tatjim, en hau det ston bin hitim en bitsimap det bigwan drimin sheip weya olabat bin meigim brom aiyan en kopa, klei en silba en gol. Bambai det God hu oldei jidan deya langa top garra meigim detlot kantri jidan blanga wanbala king en im kaan neba binij. Najalot king en boswan kaan bidim im, en im garra binijimap olabat, en afta im garra jidan olagijawan. “Wal haibala bos, det haibala God bin dalim yu wanim garra hepin bambai. Aibin dalim yu wanim det drim en det mining, en aibin dalim yu ola trubalawan wed.” Lagijat na Denyul bin tok.

Denyul 4:17

Dijan na det wed weya God bin jandim garram detlot einjul hubin lukinatbat ebrijing wulijim ola pipul ebriweya garra sabi blanga det Brabli Haibala God. Im garram pawa oba langa ola pipul en ola bos langa ebri kantri en im gin gibit det pawa langa enibodi weya im pikimat blanga jidan bos nomeda if im brabli lobala men.’ Lagijat na det einjul bin tok.

Denyul 4:35

Im oldei lukinat ola pipul langa dijan wel. Olabat najing. Im jidan bos langa ola einjul langa top en langa ola pipul langa dijan wel. Nobodi kaan go oba langa im, en nobodi kaan tok, ‘Wotfo yu dum lagijat?’

Denyul 5:18

Det Brabli Haibala God bin gibit yu dedi Nebakanesa pawa blanga jidan king en imbin meigim im brabli haibala en ola pipul bin shoum rispek langa im.

Dyudaranami 7:24

YAWEI garra hendimoba langa yumob detlot king langa olabat ronwan kantri. Yumob garra kilim en binijimap olabat holot na, en nobodi garra jinggabat langa olabat enimo. Nobodi garra stapam yumob. Bat yumob garra binijimap ebribodi na.

Joshuwa 12:9

Detlot Isreil pipul bin bidim ola king hubin jidan bos blanga ol dislot taun na. Jeriko, Eiyai deya gulijap langa det taun gulum Bethel,

Joshuwa 2:24

en dubala bin tok, “Minbala sabi na, YAWEI bin gibit ol det kantri langa wi, en ol detlot pipul dei bradin blanga wi brabliwei.”

Joshuwa 2:9

“Ai sabi YAWEI det trubala God bin gibit yumob dijan kantri. En ebribodi iya dei ol bradin brabliwei blanga ol yumob Isreil pipul.

Joshuwa 20:1

Brom deya YAWEI det trubala God bin dalim Joshuwa blanga go en tok langa ola Isreil pipul,

Joshuwa 6:1

Wal ol detlot pipul langa det taun gulum Jeriko bin bradin blanga detlot Isreil pipul, en deibin jadimap det geit langa det taun brabliwei, en nobodi bin lau gowin langa det taun en kamat brom det taun.

Joshuwa 6:3

Lagijat na ai garra dum. Yu en yu solja olabat garra wok raidaran langa det taun wantaim ebridei blanga 6 dei,

Joshuwa 8:1

Brom deya YAWEI det trubala God bin dalim Joshuwa, “Yu garra majurrumap ola Isreil solja, en yu garra go langa det taun gulum Eiyai. Yu kaan bradin en nogudbinji, dumaji ai garra meigim yu win det fait, en yu garra bidim det king en ola pipul blanga im, en ai garra gibit yu det taun en ola kantri blanga detlot pipul.

Jadjis 11:21

Bat YAWEI det trubala God blanga ola Isreil pipul bin bekimap olabat, en imbin meigim olabat win, en deibin teikoba det kantri blanga detlot Emarait pipul,

Jadjis 11:24

Wal yu gin trai, en yu gin abum eni kantri weya Kemosh det drimin blanga yu garra gibit langa yu. Bat ai dalim yu. Melabat garra kipum ola kantri weya YAWEI det trubala God blanga melabat bin gibit langa melabat.