Joshuwa 5:2 - Kriol Baibul

² Afta na YAWEI bin dalim Joshuwa, “Yu garra meigim sambala stonwan naif, en yu garra sekamsais ola Isreil men.”

Joshuwa 5:2 Iomraidhean Croise

Eksadas 4:25

Wal det waif blanga Mosis bin gajim stonwan naif, en imbin kadim det san blanga im, en imbin deigim det skinpat, en imbin rabum langa det fut blanga Mosis, en seimtaim imbin tok, “Main hasbin, yubin meigim mi weistim det blad blanga main san.” Wal God bin sedisfaid na, en im nomo bin kilim Mosis.

Romans 4:11

Yu si? Eibrahem bin bilib det wed blanga God, en God bin meigim im jidan raitwei langa im bifo imbin sekamsais, en longtaim afta God bin gibit im det lowa blanga sekamsais, dumaji God bin wandi gibit im sain blanga shoum im imbin olredi meigim im jidan raitwei langa im. En blanga tharran na Eibrahem jidan jis laiga dedi blanga ebribodi hu bilib det wed blanga God. Nomeda olabat Jintail pipul hu nomo bin sekamsais, bat stil Eibrahem jidan jis laiga dedi blanga olabat, dumaji God bin meigim olabat jidan raitwei langa im.

Dyudaranami 10:16

Wal brom tudei na yumob garra teiknodis langa YAWEI en nomo jidan adbala.

Dyudaranami 30:6

En YAWEI garra tjeinjim yumob en yumob biginini olabat laif blanga wandi bulurrum im holbit, wulijim yumob garra laigim im garram yumob hat holbit, en yumob garra kipgon jidanbat langa det kantri.

Kaloshans 2:11

Wal wen yumob bin joinap garram Jisas Krais, yumob bin sekamsais. Bat nomo det sekamsais weya pipul dum langa olabat bodi. Det sekamsais weya Jisas Krais bin kadimat yumob brom det olbalawei blanga yumob, dumaji wen yumob bin beptais, im jis laik yumob bin dai, en deibin gaburrumap yumob garram im, en yumob bin gidap laibala brom dedbala garram im du, dumaji yumob bin bilib langa det pawa blanga God weya bin meigim im gidap laibala.

Joshuwa 5:3

En Joshuwa bin sekamsais ola men deya na langa det wanbala hil gulum Sekamsais Hil. Bat garram olabat ronwan langgus dei gulum det pleis Gabiyatharaloth.