Joshuwa 4:18 - Kriol Baibul

¹⁸ En ol detlot serramonimen bin kamat brom det riba, en streidawei wen deibin pudum olabat fut langa beingk, ol detlot woda bin randan igin seimwei weya imbin jidan bifo, en brom deya detlot serramonimen bin go lida langa ola pipul garram det Seikridwan Boks. Wal det dei na YAWEI bin meigim Joshuwa brabli haibala langa ola Isreil pipul. Ola pipul bin oldei rispek Mosis, en seimwei lagijat igin deibin oldei rispek Joshuwa.

Joshuwa 4:18 Iomraidhean Croise

Fes Kranakuls 12:15

Langa det feswan manth blanga wanbala yiya, langa det taim wen det Jodan Riba bin fladwoda, deibin krosoba det riba en bin andimwei ol detlot pipul hubin jidan langa det beli kantri langa sanraiswei en sangodanwei langa det riba.

Aisaiya 8:8

Ol detlot solja blanga detlot enami garra go ebriweya langa Juda, jis laik det fladwoda weya kaman en gaburrumap yumob raidap langa yumob nek.’ “Bat God im oldei iya garram wi, en im oldei maindimbat dijan kantri blanga wi du.

Joshuwa 3:13

en wen detlot serramonimen hu garrimap det Seikridwan Boks pudum olabat fut insaid langa det woda, det woda garra stap streidawei en hipimap miselp wansaid.” Lagijat na Joshuwa bin tok.

Joshuwa 3:15

en wen deibin kamat langa det riba, deibin faindim det riba bin rait ful dumaji imbin fladwodataim. Wal nomeda det riba bin ful, bat stil detlot serramonimen bin pudum olabat fut insaid langa det woda,

Joshuwa 4:17

En Joshuwa bin dalim olabat, “Yumob kamat brom deya na!”

Joshuwa 4:19

Wal ol detlot Isreil pipul bin gowei brom det Jodan Riba langa det namba 10 dei langa det feswan manth, en deibin kemp langa det wanbala pleis gulum Gilgel sanraisaid brom det taun gulum Jeriko,