Joshuwa 4:12 - Kriol Baibul

¹² en ol detlot solja blanga det thribala klen gulum Rubin, Ged en Manesa bin krosim det riba lida langa ola najalot klen, dumaji longtaim Mosis bin dalim olabat dei garra go lida blanga album detlot najalot klen.

Joshuwa 4:12 Iomraidhean Croise

Nambas 32:17

En afta melabat garra jidan redi blanga go garram melabat kantrimen mob, blanga fait, en blanga lidim olabat blanga fait, raidap olabat garra jidan langa det kantri dei garra abum. Seimtaim melabat femilimob gin jidan gudwei iya langa dislot taun, seifwan brom detlot najalot pipul hu jidan langa dijan kantri.

Dyudaranami 3:18

“Wal seimtaim aibin dalim detlot men brom det thribala klen gulum Rubin, Ged en haf Manesa wanim olabat garra dum. Aibin tok, ‘YAWEI bin gibit yumob dijan kantri sanraiswei brom det Jodan Riba, en deya na yumob garra jidan. Wal yumob garra jandim yumob solja blanga krosoba langa det Jodan Riba lida langa detlot najalot Isreil klen blanga album olabat blanga teikoba det kantri.

Dyudaranami 33:21

Yumob bin deigim det gudbala kantri blanga yumob ronselp, en yumob bin gedim gudbala kantri seimwei laik ola Isreil lidamob. Wen ola lidamob bin majurrumap miselp, yumob bin duwit langa YAWEI, en yumob bin album detlot najalot klen jidan raitwei.”

Joshuwa 1:14

Ola waif en ola biginini en ola buligi blanga yumob garra jidan iya gin basdam. Bat ola solja blanga yumob garra krosim det riba lida langa detlot najalot klen, en dei garra jidan redi blanga fait blanga album olabat gedim olabat kantri det said.

Joshuwa 4:13

Wal 40,000 solja brom det thribala klen bin krosim det riba, en YAWEI bin deya garram olabat, en wen deibin kamat najasaid langa det riba, deibin go langa det plein kantri gulijap langa det taun gulum Jeriko.