Joshuwa 3:5 - Kriol Baibul

⁵ Afta na Joshuwa bin tok langa ola pipul, “Yumob garra bogi na en meigim miselp redibala, dumaji tumorro YAWEI garra shoum wi brabli klebabala ting.”

Joshuwa 3:5 Iomraidhean Croise

Job Wotfo Gudbala Pipul Abum Trabul? 1:5

Afta ebri padi, det olmen neim Job bin oldei jingat langa im bigininimob blanga kaman langa im blanga abum det serramoni blanga askim God blanga larramgo olabat fri brom ol detlot nogudbala ting weya olabat bin oldei dumbat. Imbin gidap ailibala gin, en imbin oldei go en gibit det sekrifais ofring blanga olabat. Dumaji imbin jinggabat, “Maitbi olabat bin dum nogudbala ting, en maitbi olabat bin tok nogudbalawei blanga God.”

Ola Saam 77:15

Garram yu pawa yubin seibum ol yu pipul olabat, detlot bigininimob blanga Jeikob en Josef.

Ola Saam 86:10

Yu na brabli strongbalawan en haibalawan, en yu dum ola brabli gudwan ting. Yu na wanbala, yu jidan God.

Jowal 2:16

“Wal kaman na. Yumob majurrumap ola pipul en meigim olabat jidan redibala blanga serramoni blanga YAWEI. Yumob garra bringimap ola olmen en ola olgamen en ola yang pipul en ola beibi du. En detlot pipul hubin jis merrit garra libum olabat haus en kaman du.

Labidakas 10:3

En Mosis bin tok langa Eran, “Dijan na wanim YAWEI bin tok, ‘Ol detlot hu wek blanga mi garra rispek mi, en ai garra shoum olabat det brabli strongbala pawa blanga main langa ol main pipul olabat.’ ” Bat Eran bin jidanbat brabli kwaitbala.

Labidakas 20:7

Yumob garra jidan miselp holiwan, dumaji mi na YAWEI det trubala God blanga yumob.

Nambas 11:8

Det mena bin buldan langa olabat kemp ebri naitaim garram det dyu. Ebri ailibala detlot pipul bin oldei goran en gajimbat det daga en grandimap blanga meigim flauwa, en afta deibin oldei boilim en meigim fletwan damba. Det daga bin teist jis laik damba garram oliboil.

Jon Bin Dalim Det Gudnyus Blanga Jisas Det San Blanga God 17:19

Mi meigim miselp jidan seikridwan wulijim olabat du garra meigim miselp jidan brabli seikridwan du.”

Joshuwa 3:13

en wen detlot serramonimen hu garrimap det Seikridwan Boks pudum olabat fut insaid langa det woda, det woda garra stap streidawei en hipimap miselp wansaid.” Lagijat na Joshuwa bin tok.

Joshuwa 3:15

en wen deibin kamat langa det riba, deibin faindim det riba bin rait ful dumaji imbin fladwodataim. Wal nomeda det riba bin ful, bat stil detlot serramonimen bin pudum olabat fut insaid langa det woda,

Joshuwa 3:4

en yumob garra bulurrum olabat, dumaji dijan im streinja kantri, en dei garra shoum yumob det roud. Bat yumob garra wok lilbit longwei brom olabat, dumaji yumob kaan go gulijap langa det Seikridwan Boks.” Lagijat na ola boswan bin tok.

Joshuwa 3:6

Brom deya Joshuwa bin dalim ol detlot serramonimen, “Yumob garra garrimap det Seikridwan Boks en go lida langa ola pipul na.” En streidawei detlot serramonimen bin duwit langa im.

Joshuwa 7:13

Yu sabi na? “Wal yu go en dalim ola pipul dei garra bogi en meigim miselp redibala blanga tumorro, dumaji mi na YAWEI, en mi det God blanga ola Isreil pipul, dumaji ai garram wed blanga dalim olabat, ‘Yumob garram sambala ting deya blanga mi, en aibin dalim yumob blanga barnimap detlot ting. En yumob kaan bidim yumob enami olabat raidap yumob faindim detlot ting en barnimap.’

Fes Semyul 16:5

Wal Semyul bin tok, “Yuwai. Aibin kaman iya blanga abum sekrifais serramoni langa YAWEI. Wal yumob garra bogi en meigim miselp redi en kaman garram mi.” En imbin dalim Jesi en im san olabat blanga meigim miselp redi en kaman langa det serramoni du.