Joshuwa 3:13 - Kriol Baibul

¹³ en wen detlot serramonimen hu garrimap det Seikridwan Boks pudum olabat fut insaid langa det woda, det woda garra stap streidawei en hipimap miselp wansaid.” Lagijat na Joshuwa bin tok.

Joshuwa 3:13 Iomraidhean Croise

Fes Kranakuls 29:11

Yu na brabli haibala en yu na garram detmatj pawa. Yu brabli gudwan, en yu na det brabli shainiwan lait, en yu na det king. Ebrijing langa hebin en langa dijan wel blanga yu, en yu jidan det boswan king blanga ebrijing na.

Ola Saam 33:7

Imbin hipimap ola solwoda langa wan pleis. Imbin lokimap ola woda raitdan andanith langa det solwoda langa im ron stowahaus.

Ola Saam 74:15

Yu na bin meigim ola springwoda en lilwan krik randan. En yu na bin draiyimap ola bigwan riba.

Ola Saam 78:13

Imbin opinimap det solwoda en imbin deigim detlot pipul thru. Imbin meigim det solwoda jandap wulijim haiwan wol.

Eksadas 15:8

Yubin jandim win langa det solwoda, en det solwoda bin kadimat miselp. Det solwoda bin jandap jis laik dubala bigwan wol, en det graun bin go brabli adwan.

Aisaiya 54:5

Mi na YAWEI det boswan God, det brabli holiwan God blanga ola Isreil pipul, en oni mi na jidan bos blanga dijan wel. Mi na bin meigim dijan wel, en mi jidan laiga hasbin blanga yu, en ai garra seibum yu.

Hebakak 3:15

Detlot hos en bagi blanga yu bin go kwikbala en sterrimap det solwoda.” Lagijat na aibin prei.

Sekaraiya 4:14

Imbin tok langa mi, “Dijan na, det dubala men weya God bin pikimat. Imbin spilim oil langa dubala blanga meigim dubala im ronwan wekinmen, en im na bos blanga ebrijing langa dijan wel.”

Joshuwa 4:7

En yumob garra dalim olabat, ‘Wen detlot serramonimen bin garrimap det Seikridwan Boks langa det riba, det woda bin stap en ola woda bin hipimap miselp airrap.’ Lagijat na yumob garra dalim yumob biginini olabat, dumaji dislot ston na garra oldei meigim ola Isreil pipul jinggabat wanim YAWEI bin dum blanga wi iya langa dijan riba.” Lagijat na Joshuwa bin tok.