Joshuwa 24:8 - Kriol Baibul

⁸ en brom deya aibin deigim yumob langa det kantri sanraisaid brom det Jodan Riba weya ola Emarait pipul bin jidan, en deibin fait langa yumob. Bat aibin meigim yumob win. Wen yumob bin go langa olabat kantri, aibin binijimap detlot pipul, en yumob bin teikoba olabat kantri.

Joshuwa 24:8 Iomraidhean Croise

Niyamaiya 9:22

Yubin jidan garram olabat wen deibin bidim ola king langa ola gulijapwan kantri. En deibin teikoba det kantri gulum Heshban weya Saihan bin jidan king. En deibin teikoba det kantri gulum Beishan weya Og bin jidan king.

Eksadas 23:23

Det einjul garra go lida langa yumob, en im garra deigim yumob langa det kantri weya detlot traib gulum Emarait, Hitait, Perasait, Keinanait, Hibait en Jebusait jidanbat, en ai garra binijimap ol detlot traib.

Eimos 2:10

Aibin bringimat yumob brom Ijip en deigim yumob thru langa det deset kantri 40 yiya, en aibin deigidawei ola kantri brom detlot Emarait pipul en aibin gibit langa yumob blanga yumob ronselp.

Eimos 2:9

“Wal wen yumob dum lagijat, yumob nomo jinggabat det taim wen aibin binijimap detlot Emarait pipul blanga yumob. Deibin longwan pipul en brabli strongbala pipul du.

Dyudaranami 2:32

Wal wen King Saihan bin kaman garram ola men blanga im blanga fait langa wi gulijap langa det taun gulum Jeihas,

Joshuwa 13:10

en imbin go olawei raidap langa det boda blanga det kantri gulum Eman, en brom deya imbin go raidap langa detlot thribala kantri gulum Giliyad, Geshuwa en Meiyaka olawei raidap langa det hil gulum Heman, en brom deya imbin go sanraiswei langa det kantri gulum Beishan raidap langa det taun gulum Salaka. En det thribala Isreil klen bin gedim ola taun du blanga det dubala king neim Saihan en Og. King Saihan bin brom det Emarait traib, en imbin oldei jidan langa det taun gulum Heshban.