Joshuwa 24:5 - Kriol Baibul

⁵ Bambai na aibin jandim Mosis en Eran langa Ijip, en aibin meigim detlot Ijip pipul abum loda trabul, en afta aibin deigidawei ol yumob Isreil pipul brom det kantri.

Joshuwa 24:5 Iomraidhean Croise

Ola Saam 105:43

Imbin lidimat im pipul olabat weya imbin pikimat, en deibin sing en jingat gudbinjiwei.

Ola Saam 136:10

God bin panishim detlot pipul langa Ijip, en imbin kilim ded ola feswan san blanga olabat. Trubala, im laigim wi tudei en olagijawan. Garram im strongwan pawa, imbin seibum ola Isreil pipul brom Ijip. Trubala, im laigim wi tudei en olagijawan.

Eksadas 12:37

Wal wen ola Isreil men en gel en biginini olabat bin gowei brom det kantri, deibin deigim ola ship en nenigout en buligi blanga olabat. Bigmob deibin deigim, en loda najalot pipul bin go garram olabat du. Det namba blanga ola men bin 600,000, en deibin gowei brom det taun gulum Remasis weya deibin oldei wek. Deibin gowei futwok, en deibin go langa det najawan taun gulum Sukait.

Eksadas 12:41

en wen det laswan dei blanga det 430 yiya bin kaman, det taim na YAWEI bin deigidawei im pipul olabat brom det kantri.

Eksadas 12:51

En ebritaim wen olabat abum det Pasoba Serramoni, olabat dum langa det seimwan dei weya YAWEI bin bringimat olabat brom Ijip.

Eksadas 3:10

“Wal yu go na, Mosis, dumaji mi jandim yu langa det king blanga gajim main pipul olabat. Mi jandim yu blanga deigimat olabat brom det kantri.” Lagijat na God bin tok langa Mosis.

Eksadas 6:27

en dubala na bin dalim det king blanga larramgo ola Isreil pipul fri. Wal dubala bin dum ebrijing weya God bin dalim dubala blanga dum, en imbin gibit dubala det wek blanga go en tok langa det king wen Mosis bin 80 yiya ol en Eran bin 83 yiya ol.

Joshuwa 24:6

Aibin deigidawei ola grenfatha blanga yumob brom det kantri, en ola Ijip solja bin ranimap yumob garram ola hosis en bagi blanga olabat. Bat wen yumob grenfatha olabat bin kamat langa det solwoda gulum Redsi, deibin jingat langa mi blanga album olabat,