Joshuwa 24:23 - Kriol Baibul

²³ Wal Joshuwa bin tok, “Wal yumob garra libum ol detlot najalot drimin weya yumob garram, en yumob garra meigim pramis langa YAWEI blanga bulurrum im trubalawei.”

Joshuwa 24:23 Iomraidhean Croise

Fes Kings 8:57

Ai askim YAWEI det trubala God blanga wi blanga jidan garram wi, jis laik imbin jidan garram wi grengrenfathamob, en nomo libum wi o gibit bekboun langa wi.

Fes Kings 8:58

En ai askim YAWEI blanga album wi blanga lisin en duwit langa im en oldei teiknodis langa ol detlot wed weya imbin gibit langa wi grengrenfathamob.

Ola Saam 119:36

YAWEI, meigim mi wandi kipgon duwit langa yu lowa brabliwei, mowa den blanga meigim miselp ritjwan garram ebrijing.

Ola Saam 141:4

Nomo larram mi blanga wandi jinggabat blanga dum nogudwan ting. Nomo larram mi weistimbat taim dumbat nogud ting garram ola nogudwan pipul. Nomo larram mi joinin en dagat daga brom detlot nogudbala pipul.

Ola Saam 81:10

Mi na YAWEI det trubala God blanga yumob hubin bringimat yumob brom Ijip. If yumob jidan trubala langa mi, ai garra gibit yumob ola gudbala ting, jis laik det mamiwan bard weya im gibit daga langa im beibi.

Eksadas 20:23

Wal yumob kaan meigim enijing deigim pleis blanga im, en yumob kaan meigim enijing garram silba en gol en weship det ting.

Prabebs 2:2

Yu garra lisin langa ola brabli gudwan wed en trai blanga sabi detlot ting.

Hoseiya 14:8

“Wal ol main pipul olabat brom Isreil kaan jinggabat ol detlot drimin sheip enimo na, en ai garra oldei irrim olabat wen dei prei langa mi, en ai garra kipgon lukaftumbat olabat, dumaji ai garra kipgon maindimbat olabat en meigim olabat jidan gudbinjiwei jis laik det grinwan tri weya im gibit gudwan sheid. Lagijat na ai garra kipgon lukaftumbat olabat en gibit olabat ola gudwan ting.” Lagijat na YAWEI bin tok.

Joshuwa 24:14

Wal Joshuwa bin kipgon tok langa detlot Isreil pipul, “Wal yumob kaan bradin langa enijing. Oni langa YAWEI yumob garra bradin. En yumob garra jidan trubalawei langa im en nomo slekbek. Yumob garra libum ol detlot drimin weya yumob grengrenfatha olabat bin oldei bulurrumbat langa det dubala kantri gulum Mesapoteimiya en Ijip, en yumob garra bulurrum oni YAWEI.