Joshuwa 24:2 - Kriol Baibul

² en imbin dalim olabat wanim YAWEI bin tok. Imbin tok, “Longtaim ola grengrenfatha blanga yumob bin jidan langa det kantri gulum Mesapoteimiya det said langa det Yufreitis Riba, en deibin oldei bulurrum olkain drimin. “Wal wanbala grengrenfatha blanga yumob deya bin neim Tera, en imbin abum dubala san neim Eibrahem en Neihowa,

Joshuwa 24:2 Iomraidhean Croise

Jenasis 11:22

Wal Serug bin merrit, en wen imbin 30 yiya ol, imbin abum lilboi neim Neihowa.

Jenasis 11:24

Wal Neihowa bin merrit, en wen imbin 29 yiya ol, imbin abum lilboi neim Tera.

Jenasis 11:26

Wal Tera bin merrit, en wen imbin 70 yiya ol, imbin abum thribala san neim Eibram, Neihowa en Heran.

Jenasis 11:27

Wal iya na det stori blanga Tera. Imbin abum thribala san neim Eibram, Neihowa en Heran.

Jenasis 31:30

Ai sabi yubin ranawei dumaji yu wandi gobek langa yu ron kantri. Bat oni wan ting deya. Wotfo yubin stilim ola drimin sheip brom main haus?” Lagijat na Leiban bin tok.

Jenasis 31:32

Bat nobodi iya bin stilim detlot drimin sheip blanga yu. If yu faindim enibodi iya garram detlot ting blanga yu, wal wi lafta kilim im ded.” Wal Jeikob nomo bin sabi Reitjul bin stilim detlot drimin sheip blanga Leiban. En imbin kipgon tok, “Yu lukaran blanga detlot ebrijing blanga yu. En if yu faindim, wal yu deigim, dumaji im blanga yu. En ola men blanga yunmi garra jidan witnis blanga yunmi.”

Jenasis 31:53

Det God blanga yu grenfatha Eibrahem en det drimin blanga main dedi Neihowa dubala jidan witnis blanga meiksho yunmi kipum det pramis.” Lagijat na Leiban bin tok. Wal Jeikob bin meigim det pramis garram Leiban, en imbin tok, “Det God blanga main dedi Aisik im sabi aibin tok ai garra kipum dis pramis garram yu.”

Jenasis 35:4

Wal detlot pipul bin gibit langa Jeikob ol detlot drimin sheip weya deibin abum, en deibin gibit langa im ol detlot ring brom olabat irriwol du, en imbin digim hol andanith langa wanbala tri dei gulum ouktri deya gulijap langa det taun, en deya na imbin gaburrumap ol detlot drimin sheip en ol detlot ring.

Aisaiya 51:2

Wal God bin pikimat Eibrahem en Sera blanga jidan yumob grengrenfatha en grengrenmatha. YAWEI bin albumbat Eibrahem, en brom det wanbala men na, loda biginini bin kamat brom im.

Isikiyel 16:3

Yu dalim detlot Jerusalem pipul mi na YAWEI det boswan God toktokbat langa olabat. “Jerusalem, yu jis laiga beibi, en yubin bon langa det kantri gulum Keinan. Blanga yu dedi traib im Emarait, en yu mami brom det traib gulum Hitait en dei nomo bin bilib langa mi.

Luk Bin Dalim Ola Stori Blanga Jisas Langa Wan Jintail Men 3:34

en Juda bin san blanga Jeikob, en Jeikob bin san blanga Aisik, en Aisik bin san blanga Eibrahem, en Eibrahem bin san blanga Tera, en Tera bin san blanga Neihowa,

Dyudaranami 26:5

En deya na yumob garra tok dislot wed, ‘Wi grengrenfatha Jeikob bin Eramiyan hubin wokabat ebriweya en nomo bin abum kemp blanga silip, en imbin deigim im femilimob langa Ijip en stap deya oni garram lilbit pipul, bat deibin gro bigismob pipul deya.

Joshuwa 24:15

En if yumob nomo wandi bulurrum YAWEI, wal tudei na yumob garra jinggabat hu yumob garra bulurrum. Maitbi yumob wandim bulurrum detlot drimin weya yumob grengrenfatha olabat bin bulurrum longtaim deya langa Mesapoteimiya, o maitbi yumob wandi bulurrum detlot drimin blanga ola Emarait pipul iya langa dijan kantri weya yumob jidan tudei. Bat ai dalim yumob. Mi en main femili olabat garra bulurrum YAWEI det trubala God.” Lagijat na Joshuwa bin tok.