Joshuwa 23:6 - Kriol Baibul

⁶ “Wal yumob garra jidan strongbala, en yumob garra oldei bulurrum ol detlot lowa weya Mosis bin raidimdan langa det buk, en yumob garra oldei teiknodis langa ola lowa.

Joshuwa 23:6 Iomraidhean Croise

Fes Kings 2:3

en yu garra lafta dum wanim YAWEI det trubala God dalim yu. En yu garra duwit langa ol detlot lowa weya God bin gibit langa Mosis blanga raidimdan. Wen yu dum lagijat loda gud ting garra hepin langa yu nomeda weya yu go.

Ola Saam 101:3

en ai nomo wandim jinggabat eni nogudbala ting. Ai nomo laigim det wei blanga ol detlot pipul hubin tenawei brom God. Ai nomo wandim dum enijing garram olabat.

Ola Saam 119:102

Ai nomo bin libum detlot lowa blanga yu dumaji yu na main titja.

Jeramaiya 9:3

Olabat oldei redi blanga dalimbat laiya, en olabat laiyinbalawei jidan bos langa dijan kantri.” Lagijat na aibin tok. Wal YAWEI det trubala God bin tok na, “Main pipul olabat kipgon dumbat nogudbala ting, en olabat nomo sabi mi blanga olabat God.

Fes Karinthiyans 16:13

Wal yumob irrim mi na. Yumob garra oldei wotjimbat miselp, en yumob garra kipgon bilib strongbalawei, en yumob kaan bradin langa enijing, en yumob kaan larram enijing bidim yumob.

Dyudaranami 12:32

“Wal yumob garra dum ebrijing weya aibin dalimbat yumob. Nomo edimap o deigimwei enijing brom ol dislot lowa.”

Dyudaranami 17:20

Wal wen det king dum lagijat, im kaan reken miselp jidan mobeda langa im kantrimen. Im garra kipgon dumbat wanim detlot lowa blanga YAWEI tok blanga im. Wen im dum lagijat im garra jidan king blanga longtaim en ola biginini blanga im garra jidan boswan blanga det kantri longtaim du.”

Dyudaranami 28:14

Bat yumob nomo stap dumbat dislot lowa o weship en bulurrum enikain drimin sheip.”

Dyudaranami 5:32

Wal Mosis bin kipgon tok, “Yumob Isreil pipul, yumob garra teiknodis en duwit ebrijing YAWEI det trubala God blanga wi bin tok blanga im lowa. Yumob dum ebrijing weya imbin dalim yumob blanga dum.

Hibrus 12:4

Ai sabi yumob oldei abum trabul dumaji yumob oldei trai en bidim ol detlot nogudbala ting. Bat yumob nomo bin dai brom det trabul.

Rebaleishan 21:8

Ola najalot pipul garra jidan langa det bigbala faiya. Ol detlot pipul hu jidan bradinbala en ol detlot pipul hu nomo bilib langa mi en ol detlot pipul hu jidan nogudbala en ol detlot medra en ol detlot pipul hu oldei silipsilip garram enibodi en ol detlot laiyinbala en ol detlot pipul hu oldei dumbat olkain klebabala ting en ol detlot pipul hu oldei weshipbat enikain sheip, wal ol detlot pipul na garra jidan langa det bigbala faiya. Deya na dei garra dai sekantaim.” Lagijat God bin tok.