Joshuwa 23:10 - Kriol Baibul

¹⁰ En nomeda hu yu, bat stil wanbala men brom yumob gin andimwei 1,000 men brom eni traib, dumaji YAWEI oldei fait blanga yumob jis laik imbin pramisim yumob.

Joshuwa 23:10 Iomraidhean Croise

Sekan Semyul 23:8

Wal King Deibid bin abum sambala nambawan solja, en imbin abum thribala solja weya ola pipul bin oldei gulum olabat Det Thribala Solja. Det lida blanga Det Thribala Solja bin neim Joshabesabeth. Imbin brom det taun gulum Teikeman, en wantaim imbin fait langa 800 enami solja miselp garram im spiya, en imbin kilim olabat holot ded.

Fes Kranakuls 5:20

Deibin trastimbat langa God, en deibin oldei prei langa im blanga album olabat, en God bin ensim olabat preya, en deibin bidim detlot Heigrait traib en olabat frenmob.

Fes Kranakuls 5:22

Deibin kilim ded loda enamimob, dumaji God bin jidan garram olabat. En deibin kipgon jidan deya langa det kantri raidap det taim wen det Asiriya king bin deigim olabat prisana langa im kantri.

Ola Saam 35:1

YAWEI yu dum det seim ting langa detlot hu dum nogud ting langa mi. Yu fait langa olabat weya dei fait langa mi.

Ola Saam 46:7

YAWEI det boswan God im iya garram wi na. Det God blanga Jeikob, im oldei lukaftumbat wi.

Eksadas 14:14

Yumob kaan dum enijing, dumaji YAWEI garra fait blanga yumob.” Lagijat na Mosis bin tok.

Aisaiya 30:17

Nomeda yumob bigismob pipul, bat stil wanbala o faibala enami solja garra ranimapbat yumob. En afta na, oni lilbit pipul garra jidan laibala, wulijim det wanbala fleig pol weya im jandap miselp ontop langa wanbala hil.

Labidakas 26:7

En yumob garra ranimap ola enami blanga yumob, en binijimap olabat brabliwei.

Labidakas 26:8

En faibala men garra bidim 100 men, en 100 men garra bidim 10,000 men.

Sekaraiya 12:8

Langa det dei ai garra kipum detlot Jerusalem pipul seif. Ai garra meigim detlot brabli wikwan pipul strongbala laik Deibid bin jidan. En detlot boswan brom det femili lain blanga Deibid garra go lida langa olabat, jis laik det einjul blanga mi bin go lida langa olabat grengrenfatha olabat langa det bush kantri longtaim wen aibin lukaftum olabat.

Romans 8:31

Wal yumob jinggabat ol detlot ting weya aibin dalimbat yumob, en yumob dalim mi na. If God im blanga wi, wal hu garra bidim wi?

Dyudaranami 20:3

Im garra tok, ‘Yumob men brom Isreil, yumob lisin na. Tudei yumob garra go blanga fait. Nomo hatjamp en sheiksheikbat o jidan bradin blanga ola enami,

Dyudaranami 20:4

dumaji YAWEI garra go garram yumob en im garra larram yumob bidim olabat.’

Dyudaranami 28:7

“En YAWEI garra bidim detlot enami wen dei fait langa yumob. Dei garra kaman langa yumob wanwei, bat dei garra ranawei ebriweya.

Dyudaranami 3:22

Yu nomo bradin na blanga olabat, dumaji YAWEI garra album yu.’ ”

Dyudaranami 32:20

Imbin tok, ‘Ai kaan album yumob. Ai garra luk wanim garra hepin langa yumob. Yumob brabli adbala pipul hu jidan nomo trubala langa mi.

Dyudaranami 32:30

Wotfo wanbala men brom detlot enami gin bidim 1,000 pipul brom yumob? Wotfo dubala men brom detlot enami gin bidim 10,000 pipul brom yumob? YAWEI na bin libum yumob, en imbin larram detlot enami bidim yumob.

Joshuwa 10:42

en deibin bidim ola king blanga ol detlot kantri, dumaji YAWEI det trubala God blanga ola Isreil pipul bin album olabat.

Joshuwa 23:11

“Wal yumob garra oldei meiksho yumob laigim YAWEI brabliwei, dumaji if yumob gibit bekboun en tenawei brom im, en if yumob joinin en merrit langa detlot najalot pipul hu jidan langa dijan kantri, wal YAWEI kaan album yumob.

Joshuwa 23:3

en yumob bin luk ebrijing wanim YAWEI bin dum langa ola najalot pipul blanga album yumob. YAWEI bin oldei fait blanga yumob, en yumob bin oldei win,

Jadjis 15:15

en imbin faindim dongki jauboun deya, en imbin gajim det jauboun, en imbin kilim 1,000 Filastain men ded deya gin garram det jauboun,

Jadjis 3:31

Det nekswan lida blanga detlot Isreil pipul bin neim Shemga. En im dedi bin neim Einath. Wal Shemga bin kilim 600 Filastain solja ded garram det shapwan stik weya dei oldei bugum buligi blanga meigim det buligi mub, en wen imbin kilim detlot solja, imbin seibum im ronwan pipul seimwei laik detlot najalot lida bin dum basdam.

Fes Semyul 14:6

Wal Jonathan bin dalim det wekinmen blanga im, “Kaman na. Yunmi go luk det kemp blanga detlot Filastain solja. Dei nomo sabi YAWEI, en maitbi im garra album yunmi, dumaji if im wandi album enibodi, wal nobodi kaan stapam im. En nomeda oni yunmi miselp iya, bat stil God garra meigim yunmi bidim detlot Filastain solja.”