Joshuwa 22:22 - Kriol Baibul

²² “YAWEI na det brabli strongbalawan. Im brabli haibala, en im neim YAWEI, en im sabi wotfo melabat bin bildimap det teibul, en melabat wandim yumob garra sabi du, dumaji if melabat bin gibit bekboun langa YAWEI, en if melabat nomo trubala langa im, wal yumob garra kilim melabat ded.

Joshuwa 22:22 Iomraidhean Croise

Fes Kings 8:39

yu lisin langa olabat preya. Yu lisin langa olabat brom hebin, en larramgo olabat fri brom olabat nogudbalawei, en album olabat. Oni yu miselp sabi ola pipul main en hat. En yu miselp gin jadjim pipul blanga wanim deibin dumbat,

Job Wotfo Gudbala Pipul Abum Trabul? 10:7

Yu sabi mi nomo giltiwan, bat hu garra seibum mi brom yu?

Job Wotfo Gudbala Pipul Abum Trabul? 23:10

Bat im sabi wanim mi oldei dumbat, en wen im garra testim mi ai garra jidan brabli klinbala insaid, wulijim det gol.

Job Wotfo Gudbala Pipul Abum Trabul? 31:22

wal ai wandim det bingga garra buldan brom im pleis.

Ola Saam 136:2

Im na det brabli haibala God. Blanga tharran na, wi garra gibit im theingks. Trubala, im laigim wi tudei en olagijawan.

Ola Saam 37:6

Im garra meigim det raitwei blanga yumob shain wulijim det san wen im gidap ailibala, en im garra meigim det feyagowei blanga yumob shain wulijim det san wen im dinataim.

Ola Saam 40:9

Wen ola pipul kaman mijamet blanga weship langa yu, ai dalim olabat det gudnyus hau yubin seibum mi. Yu sabi ai nomo wandi stap dalimbat pipul det gudnyus.

Ola Saam 44:21

yu bina faindat en sabi streidawei, dumaji yu sabi ebrijing weya melabat jinggabat langa melabat main.

Ola Saam 44:22

Bat dijan im langa yu bingga weya melabat gitkil olataim. Dei tridim melabat jis laik ship weya im redi blanga gitkil.

Ola Saam 50:1

YAWEI det boswan God im tok. Im jingat langa ebribodi langa dijan wel, brom sanraisaid raidap langa sangodansaid.

Ola Saam 82:1

God im det bos blanga det kothaus langa hebin. Im dalim ola drimin blanga dum wanim im wandim olabat blanga dum.

Ola Saam 95:3

YAWEI im det brabli haibalawan God. Im haibala bos langa ola najalot drimin.

Ola Saam 97:7

Ebribodi hu weshipbat ola drimin sheip, en hu jidan praudbala blanga olabat drimin, garra sheim miselp. Ola drimin nildan en weship YAWEI.

Eksadas 18:11

En ai sabi na oni YAWEI na det brabli trubalawan God, en im mowa haibala langa ola drimin. Ai sabi, dumaji YAWEI bin album yumob wen det king en im pipul olabat bin oldei tridim yumob brabli nogudwei.” Lagijat na Jethro bin tok.

Jeramaiya 12:3

Bat YAWEI, oni yu na sabi wotkain mi. Yu oldei luk langa mi wanim aibin dum, en hau ai laigim yu brabliwei. Yu garra deigimwei ol dislot nogudwan men brom iya, jis laik det ship weya dei redi blanga kilim im en kadimap im. Yu kipum olabat raidap olabat garra gitkil.

Jeramaiya 17:10

Bat oni mi na YAWEI sabi. Ai gin luk insaid langa ebribodi, nomeda hu im. Ai luk ebribodi seimwei en gibit ebribodi feyago blanga ebrijing dei dum.” Lagijat na YAWEI bin tok.

Denyul 11:36

“Wal det king brom Siriya garra dum enijing im wandim. Im garra tok praudbalawei blanga hau im brabli haibala langa eni drimin, en im garra tok im mowa haibala langa det Brabli Haibala God. Im garra dum lagijat raidap det taim God garra panishim im. God bin meigim plen en im garra dum wanim imbin plen.

Denyul 2:47

Det king bin tok langa Denyul, “Det God blanga yu im brabli bigwan langa ola najalot drimin. Im na det bos blanga ola king, en im na gin shoum det mining blanga ola sigridwan ting. Ai sabi dijan dumaji yubin dalim mi det drim en wanim im min.”

Maika 7:9

Wibin dumbat nogudbala ting langa YAWEI, en blanga tharran na wi garra abum det trabul weya im gitwail langa wi. Bat bambai im garra jinggabat wi en meigim ebrijing jidan gudwei. Im garra meigim wi jidan langa det lait blanga im, en wi garra luk hau im garra seibum wi,

Melakai 3:18

En langa det taim pipul garra luk detlot gudwan pipul jidan difrin en detlot nogudwan pipul jidan difrin du. Dei garra sabi, ‘Dislot pipul gudwan pipul hu bulurrum God. Detlot najalot olabat nogudwan pipul hu nomo bulurrum im.’ ” Lagijat na aibin tok.

Jon Bin Dalim Det Gudnyus Blanga Jisas Det San Blanga God 21:17

Wanmo igin Jisas bin askim Pida, “Yu laigim mi?” Wal Pida bin nogudbinji na, dumaji Jisas bin askim im thritaim, en imbin dalim im, “Bos, yu sabi ebrijing. En yu sabi mi laigim yu.” Wal Jisas bin dalim im, “Wal yu lukaftumbat ola ship main.

Eks Hau Det Gudnyus Blanga Jisas Krais Bin Spredat Ebriweya 1:24

en afta deibin prei langa Jisas blanga shoum olabat det raitwan men. Deibin tok, “Bos, melabat bin pikimat dijan dubala men, en yu sabi dubala, dumaji yu sabi ebribodi. Wal yu shoum melabat wujan men yubin pikimat blanga deigim pleis blanga Judas, dumaji Judas bin libum det wek,

Eks Hau Det Gudnyus Blanga Jisas Krais Bin Spredat Ebriweya 25:11

If aibin breigim eni lowa weya im tok dei garra kilim mi ded, wal ai nomo askim yu blanga larramgo mi fri. Bat if ai nomo bin dum wanim dislot Juwish lida bin reken aibin dum, wal nobodi kaan hendimoba mi langa olabat. Ai wandi go langa det brabli haibala gabman kot deya langa Rom.” Lagijat na Pol bin tok.

Sekan Karinthiyans 11:11

Wal wotfo ai nomo bin meigim yumob gibit mi mani? Dumaji mi nomo laigim yumob? Nomo. Dumaji mi laigim yumob. En God sabi mi laigim yumob.

Sekan Karinthiyans 11:31

Yumob sabi? Wen Eretas bin jidan king, det gabman bos blanga det taun gulum Dameskas bin jandim blijiman blanga blokim ola geit blanga det taun blanga gajulum mi. Bat sambodi bin pudumdan mi garram baskit snikinwei thru langa windo biyain langa det taun, en aibin gidawei. Trubala imbin hepin langa mi lagijat. En God det dedi blanga Jisas Krais det Bos blanga wi sabi mi nomo dalimbat yumob laiya. Oni im na wi garra preisimbat olagijawan.

Sekan Karinthiyans 5:11

Wal ai sabi hau blanga bradin langa God. En blanga tharran na mi oldei trai en meigim najalot pipul sabi im du. Wal God im sabi mi brabliwei. En mi wandim yumob garra sabi mi brabliwei du, en mi wandim yumob garra abum det raitwan filing blanga mi du.

Dyudaranami 10:17

YAWEI det trubala God blanga wi, im na nambawan. Ola drimin sheip en ol det najalot pawa nomo enijing. Im na det brabli haibala strongbalawan God en yumob garra duwit wanim im tok. Im gibit ebribodi feyago. Im nomo meigim enibodi peiyim im mani blanga tok blanga im.

Fes Timathi 6:16

Nobodi jidan laibala olagijawan en nomo dai. Oni im na. En im jidan langa det lait weya nobodi kaan luk. Nobodi bin luk God bifo, en nobodi kaan neba luk im. Wal wi garra oldei preisim en rispek langa im olagijawan, en ola pawa garra jidan garram im na olagijawan du. Trubala dijan mi dalim yu.

Hibrus 4:13

Wi kaan blandim enijing brom God. Im luk ebrijing, dumaji ebrijing jidan opin langa im, en langa im na wi garra onap en dalim miselp.

Joshuwa 22:21

Wal det thribala klen bin dalim olabat,

Rebaleishan 2:23

Bat ai garra kilim ded ol detlot pipul hu bulurrum det wei blanga det wuman. En afta ola tjetjmob garra sabi nobodi sabi wotkain enibodi insaid. Oni mi na ai sabi. Mi oldei lukinat insaid langa ebribodi hat en main, en ai sabi wanim ebribodi jinggabat blanga dumbat, en ai sabi wanim ebribodi wandi dumbat. En ai garra peiyimbek ebribodi blanga ola enijing weya dei dumbat.

Fes Semyul 15:23

Im brabli nogud wen yu nomo duwit langa im. Im jis laik weya enibodi oldei dumbat olkain nogudbala klebabala ting. En im brabli nogud wen yu meigim miselp haibala. Im jis laik weya enibodi oldei weship olkain drimin. Trubala ai dalim yu. YAWEI bin tenawei brom yu, dumaji yubin tenawei brom det wed blanga im.”

Fes Semyul 2:3

“Wal nobodi kaan toktok en laigimbat miselp, en nobodi kaan larram detkain wed kamat brom im mawus, dumaji YAWEI im sabi ebrijing, en im na garra jadjim ebribodi blanga wanim olabat dumbat.