Joshuwa 22:21 - Kriol Baibul

²¹ Wal det thribala klen bin dalim olabat,

Joshuwa 22:21 Iomraidhean Croise

Prabebs 15:1

If yu tok gudwei langa enibodi hu rili wail, wal im garra jidan kwaitbala, bat if yu tok rafwei langa enibodi, wal im garra jidan brabli einggriwan.

Prabebs 16:1

Wi gin meigim plen blanga dum samting, bat oni YAWEI det trubala God na garram det rait blanga meigim det plen hepin.

Prabebs 18:13

Yu garra lisin bifo yu ensa. If yu nomo lisin, wal yu brabli siliwan.

Prabebs 24:26

Enibodi hu tok streidat langa im fren, shoum im fren im rili laigim im.

Maika 5:2

Wal YAWEI det trubala God bin kipgon tok na, “Bethlahem Efratha, nomeda yu det lilwan taun langa ola najalot taun deya langa Juda, bat stil brom yu na ai garra meigim kamat det boswan main jis laiga gel weya im abum beibi, en det beibi weya yu garra abum bin jidan laibala basdam bifo enijing bin jidan, en im garra jidan king blanga ola Isreil pipul.” Lagijat na YAWEI bin tok.

Eks Hau Det Gudnyus Blanga Jisas Krais Bin Spredat Ebriweya 11:4

Wal Pida bin dalim olabat wotfo imbin go langa detlot Jintail pipul,

Jeims 1:19

Wal main braja en sista olabat, yumob jinggabat na. Yumob kaan tok streidawei.

Joshuwa 22:20

“Yumob jinggabat det men neim Ekan. Imbin breigim det lowa blanga YAWEI, en imbin kipum detlot ting weya im nomo bin lau blanga abum, en afta YAWEI bin panishim wi holot. Det men bin dai dumaji imbin dum det nogudbala ting, en najalot pipul bin dai du.” Lagijat na Finiyas en detlot najalot men bin tok langa det thribala klen.

Joshuwa 22:22

“YAWEI na det brabli strongbalawan. Im brabli haibala, en im neim YAWEI, en im sabi wotfo melabat bin bildimap det teibul, en melabat wandim yumob garra sabi du, dumaji if melabat bin gibit bekboun langa YAWEI, en if melabat nomo trubala langa im, wal yumob garra kilim melabat ded.

Fes Pida 3:15

Yumob garra pudum Jisas Krais lida langa yumob en larram im jidan Bos blanga yumob, en yumob garra oldei jidan redibala blanga gibit ensa langa detlot pipul hu askimbat yumob wotfo yumob bilib langa Jisas Krais,