Joshuwa 22:19 - Kriol Baibul

¹⁹ “Wal if yumob reken yumob kaan weship langa YAWEI langa yumob ronwan kantri, wal yumob garra kaman langa melabat kantri en weship langa im deya langa det Seikridwan Tent blanga im. “Wal melabat dalim yumob. Yumob nomo wandi gibit bekboun langa YAWEI, en yumob kaan bildimap teibul blanga ofring langa melabat kantri, dumaji if yumob bildimap teibul langa melabat kantri, yumob garra meigim melabat tenawei brom God du. Det teibul blanga ofring blanga YAWEI im deya olredi, en nobodi nomo lau meigim najawan.

Joshuwa 22:19 Iomraidhean Croise

Sekan Kranakuls 11:13

Wal brom oloba langa det kantri gulum Isreil, ola serramonimen en ol detlot Libaimen bin kaman sauthwei langa Juda blanga albumbat King Reiyabowam.

Eksadas 15:17

Wal yu garra deigim melabat langa det kantri, en yu garra pudum melabat langa det hil blanga yu. YAWEI, melabat garra jidan langa det pleis weya yubin pikimat blanga yu kemp. Bos, melabat garra jidan langa det Serramoni Pleis weya yubin meigim garram yu ronwan bingga.

Denyul 10:13

Det einjul blanga det kantri gulum Pesha bin trai stapam mi blanga 21 dei. Afta na Maikul det wanbala boswan einjul bin kaman blanga album mi, dumaji aibin deya miselp langa Pesha.

Eimos 7:17

YAWEI im dalimbat yu na, Amasaiya, ‘Wal yu waif garra jidan wulijim detlot wuman hu oldei silipsilip garram enibodi langa dijan taun. En wen yumob garra abum bigwan fait langa dijan kantri ola biginini blanga yu garra ol dai. En detlot enami blanga yu garra kadimat miselp det len blanga yu en gibitat langa najalot pipul. En yu garra dai langa najawan kantri weya detlot pipul nomo bulurrum det trubalawei blanga main. En trubala ola enami garra deigidawei ola Isreil pipul brom olabat kantri en dei garra jidan prisana langa najawan kantri.’ ” Lagijat na aibin dalim Amasaiya wanim YAWEI bin tok.

Joshuwa 18:1

Wal afta wen ol detlot Isreil pipul bin teikoba ola kantri sangodansaid brom det Jodan Riba, deibin ol majurrumap miselp langa det taun gulum Shailo, en deya na deibin ringimap det Seikridwan Tent blanga YAWEI det trubala God.

Joshuwa 22:11

Afta na sambodi bin dalim detlot najalot Isreil pipul, “Yumob irrim mi na. Det thribala klen Rubin, Ged en Manesa bin meigim teibul blanga ofring dijan said langa det Jodan Riba deya langa Gelaloth.”