Joshuwa 21:45 - Kriol Baibul

⁴⁵ Ebrijing weya YAWEI bin pramis langa olabat, imbin duwit.

Joshuwa 21:45 Iomraidhean Croise

Fes Kings 8:15

Imbin tok, “Preisim YAWEI det trubala God blanga Isreil dumaji imbin kipum det pramis langa main dedi Deibid wen imbin tok langa im,

Fes Kings 8:20

“Wal YAWEI bin kipum im pramis. Aibin deigim pleis blanga main dedi blanga jidan king blanga Isreil en aibin bildimap det Serramoni Pleis blanga weship langa YAWEI det trubala God blanga Isreil.

Fes Kings 8:24

Yubin kipum det pramis weya yubin meigim langa main dedi Deibid. En tudei na ebrijing weya yubin tok bin hepin na.

Fes Kings 8:56

“Preisim YAWEI hubin meigim im pipul olabat jidan gudwei, jis laik wen imbin pramis. Imbin kipum ola gudwan pramis imbin meigim thru langa im wekinmen Mosis.

Niyamaiya 9:8

Yubin luk imbin oldei bulurrum yu brabliwei, en yubin meigim brabli strongbala pramis langa im. Yubin pramis blanga gibit im det kantri blanga detlot traib gulum Keinanait, Hitait, Emarait, Perasait, Jebusait en Gegashait. En det kantri garra jidan blanga im biginini olabat. Yubin kipum yu pramis dumaji yu na jidan trubalawan.

Aisaiya 48:3

“Brom longtaim aibin tok wanim garra hepin, en ai nomo bin gibit yumob najawan woning. Aibin dum kwikbala.

Nambas 23:19

God nomo laigim pipul hu oldei dalimbat laiya. Im nomo laigim pipul hu oldei tjeinjimbat olabat main. Wen im pramis enijing, im garra duwit. En wen im tok samting, im garra dum.

Fes Karinthiyans 1:9

Yumob sabi na? God bin pikimat yumob blanga jidan gulijap garram Jisas Krais det san blanga im, en wi sabi God garra dum wanim imbin pramis.

Fes Thesaloniyans 5:24

Wal God bin jingat langa yumob, en im garra duwit wanim imbin pramis, dumaji im brabli trubalawan.

Taidas 1:2

en mi shoum olabat wulijim dei garra jidan laibala olagijawan. Longtaim God bin pramisim wi blanga jidan laibala olagijawan. En God im nomo laiya.

Hibrus 6:18

Wal God bin dum dubala ting deya, en det dubala ting kaan neba tjeinj, en God kaan dalim laiya blanga det dubala ting du. Det feswan ting imbin meigim pramis, en det sekanwan ting imbin bekimap miselp langa det pramis garram im ronwan neim. God bin dum det dubala ting na blanga meigim wi gudbinji en blanga meigim wi jidan strongbalawei en nomo slekbek, dumaji wibin jingat langa Jisas Krais, en wibin ran langa im blanga album wi.

Fes Semyul 3:19

Afta na wen Semyul bin gro bigwan, YAWEI bin oldei jidan garram im, en imbin oldei dalim Semyul wanim garra hepin, en imbin oldei meigim ebrijing hepin trubala jis laik weya imbin oldei tok,