Joshuwa 21:43 - Kriol Baibul

⁴³ Wal YAWEI bin gibit det kantri langa ola Isreil pipul jis laik imbin pramis langa ola grengrenfatha blanga olabat basdam, en wen detlot Isreil pipul bin teikoba det kantri, deibin abum det kantri blanga olabat na.

Joshuwa 21:43 Iomraidhean Croise

Jenasis 12:7

Bat YAWEI bin shoum miselp langa Eibram, en imbin dalim im, “Dijan na det kantri weya ai garra gibit langa yu biginini olabat.” Wal Eibram bin pailimap ston deya, en imbin weship langa YAWEI weya imbin kamat langa im.

Jenasis 13:15

en yu luk gudwei langa det kantri olaran langa yu, dumaji ol det kantri na ai garra gibit langa yu en langa yu biginini olabat olagija.

Jenasis 28:4

God garra albumbat yu tudei jis laik imbin albumbat yu grenfatha Eibrahem bifo, en im garra albumbat ola biginini blanga yu du. En yu garra deigimoba dijan kantri weya yunmi jidan, dumaji God bin gibit dijan kantri langa yu grenfatha Eibrahem.”

Sekan Kranakuls 20:8

En deibin jidan en deibin stat bildimap serramoni pleis blanga rispek langa yu, en wulijim yu garra irrim olabat en seibum olabat.

Niyamaiya 9:24

Olabat bigininimob bin kaman en teikoba dijan kantri. Yubin go lida, en detlot pipul hubin jidan iya bifo, detlot Keinanait pipul, yubin meigim olabat wikwan. Yumob pipul olabat bin kaman biyain, en deibin bidim detlot pipul blanga dijan kantri. Deibin bidim ola king en pipul olabat, en detlot pipul langa dijan kantri nomo bin stapam olabat.

Niyamaiya 9:8

Yubin luk imbin oldei bulurrum yu brabliwei, en yubin meigim brabli strongbala pramis langa im. Yubin pramis blanga gibit im det kantri blanga detlot traib gulum Keinanait, Hitait, Emarait, Perasait, Jebusait en Gegashait. En det kantri garra jidan blanga im biginini olabat. Yubin kipum yu pramis dumaji yu na jidan trubalawan.

Ola Saam 105:8

Im garra kipum im strongwan pramis olagijawan. Im pramis blanga ola pipul hu garra kaman bambai du.

Ola Saam 44:3

Blanga yu pipul olabat nomo bin fait garram olabat spiya blanga teikoba det kantri. Dei nomo bin win garram olabat ronwan pawa, bat garram yu strongbala pawa yubin album olabat. Dumaji yubin deya garram olabat, yubin shoum olabat haumatj yubin laigim olabat.

Ola Saam 78:55

Imbin andimwei detlot pipul hubin oldei jidanabat langa det kantri wen im pipulmob bin go thru deya. Imbin kadimat olabat kantri en gibit miselpmiselp langa ola klen blanga Isreil, en imbin gibit ola kemp blanga olabat langa im pipul olabat.

Eksadas 3:8

en aibin kamdan blanga gajim olabat brom detlot pipul en deigidawei olabat brom det kantri. Ai garra deigim olabat langa gudbala opin kantri weya dei garra faindim loda daga en enijing. Ai garra deigim olabat langa det kantri weya detlot siksbala traib gulum Keinanait, Hitait, Emarait, Perasait, Hibait en Jebusait jidanbat.

Jeramaiya 32:23

Bat wen olabat bin kaman langa dijan kantri en jidan iya, olabat nomo bin teiknodis langa yu wed, o jidan gudwei weya yubin titjimbat olabat. Olabat nomo bin dum enijing weya yubin askim olabat blanga dum. Wal blanga tharran na yubin bringimap ol dislot nogudbala ting langa olabat.

Nambas 33:53

Yumob garra teikoba det kantri en jidan deya, dumaji ai garra gibit langa yumob.

Dyudaranami 11:31

Det taim im gulijap na weya yumob garra krosim det Jodan Riba blanga teikoba det kantri weya YAWEI det trubala God blanga wi garra gibit langa yumob. Wen yumob jidan langa det kantri,

Dyudaranami 12:29

Wal Mosis bin kipgon tok, “YAWEI det trubala God blanga wi garra binijimap ola pipul langa detlot kantri wen yumob teikoba blanga olabat kantri en jidan deya.

Dyudaranami 17:14

Wal Mosis bin kipgon tok, “Bambai na wen yumob jidan langa det kantri weya YAWEI garra gibit yumob, wal yumob garra tok, ‘Wi wandim sambodi blanga jidan king jis laik ol detlot najalot pipul garram king.’

Dyudaranami 34:4

Wal deya na YAWEI bin tok langa Mosis, “Dijan iya det kantri weya aibin pramisim Eibrahem, Aisik en Jeikob blanga gibit langa olabat bigininimob na. Wal aibin larram yu blanga luk, bat ai kaan larram yu go deya.” Lagijat na YAWEI bin tok.

Joshuwa 1:6

Wal yu garra jidan strongbala en nomo bradin, dumaji yu na garra deigim ola Isreil pipul langa det kantri weya aibin pramis langa yumob grengrenfatha olabat basdam.

Joshuwa 21:42

en deibin gibit olabat ola pedik raidaran langa ol detlot taun du.

Jadjis 11:24

Wal yu gin trai, en yu gin abum eni kantri weya Kemosh det drimin blanga yu garra gibit langa yu. Bat ai dalim yu. Melabat garra kipum ola kantri weya YAWEI det trubala God blanga melabat bin gibit langa melabat.

Fes Semyul 12:8

“Longtaim wen Jeikob en im femili olabat bin go langa Ijip, detlot Ijip pipul bin gibit olabat brabli adtaim, en deibin jingat langa YAWEI blanga album olabat, en imbin jandim Mosis en Eran, en dubala bin deigidawei olabat brom det kantri en meigim olabat jidan iya langa dijan kantri.