Joshuwa 21:11 - Kriol Baibul

^11-13 Deibin gibit olabat det taun gulum Aba o Hebran deya langa det hil kantri blanga Juda klen, en det taun bin speshalwan taun dumaji nobodi bin lau kilim enibodi deya. En deibin gibit olabat ola pedik raidaran langa det taun du. Bat det men neim Keilab bin gedim ola fam en najalot taun deya bifo det Libaimob.

Joshuwa 21:11 Iomraidhean Croise

Jenasis 23:2

en imbin dai langa det taun gulum Hebran deya langa det kantri gulum Keinan. Sambala pipul bin oldei gulum det taun Kiriyathaba. Wal wen Eibrahem bin lujim Sera, imbin kraikrai detmatj.

Jenasis 35:27

Bambai na Jeikob bin kamat langa im dedi Aisik deya langa det pleis gulum Memrei. Aisik bin oldei jidan gulijap langa det taun gulum Hebran deya langa det seim pleis weya Eibrahem bin jidan basdam.

Sekan Semyul 15:7

Wal Ebsalom bin dumbat lagijat fo fobala yiya, en afta imbin go langa King Deibid, en imbin askim im, “Bos, yu larram mi go langa det taun gulum Hebran, dumaji wen aibin jidan langa det kantri gulum Geshuwa deya langa det najawan kantri gulum Siriya, aibin meigim pramis langa YAWEI det trubala God, en aibin dalim im if im deigimbek mi langa Jerusalem, wal ai garra go en weship im deya langa Hebran.” Lagijat na Ebsalom bin tok laiyawei langa King Deibid.

Fes Kranakuls 6:55

Deibin gedim det taun gulum Hebran, det seifwan taun langa Juda, en detlot gudwan kantri blanga buligi en ship gulijap langa det taun.

Luk Bin Dalim Ola Stori Blanga Jisas Langa Wan Jintail Men 1:39

Afta na Meri bin go langa det taun weya det olgamen Elisabeth bin jidan. Det taun bin deya langa det hil kantri langa Judiya,

Joshuwa 15:54

Hamta, Hebran en Saiyowa. Deibin gedim ol detlot 9 taun na garram ola lilwan taun du weya jidan raidaran langa detlot taun.

Jadjis 1:10

Wal bifo Joshuwa bin dai, detlot Juda solja bin bidim ola Keinanait pipul hubin jidanbat langa det taun gulum Hebran. Basdam det taun bin neim Aba, en deya na deibin bidim det thribala Keinanait femili gulum Sheshai, Ahiman en Telmai.