Joshuwa 20:9 - Kriol Baibul

⁹ Detlot siksbala taun na deibin pikimat blanga jidan speshalwan taun, en if eni Isreil pipul o najalot pipul bin kilim enibodi ded, wen dei nomo bin min blanga kilim im, wal nomo enibodi bin lau peiyimbek im en kilim im deya langa det taun. Bat wen dei kotim im en deib in faindat imbin min blanga kilim det sambodi ded, wal deibin lau kilim im ded du.

Joshuwa 20:9 Iomraidhean Croise

Nambas 35:13

Yu garra pikimat 6 seifwan taun,

Nambas 35:15

Dislot garra jidan seifwan taun blanga detlot Isreil pipul blanga blandimbat miselp, en blanga detlot streinja pipul du hu jidan deya lilbit taim, o longtaim. Enibodi hu kilim sambodi ded, en if im nomo bin wandim kilim im, wal im gin ranawei en jidan langa det seifwan taun na.

Joshuwa 20:4

“Wal wen im kamat langa det taun, im garra go langa det miting pleis deya langa det geit, en im garra dalim ola boswan wanim bin hepin langa im, en olabat garra larram im jidan langa det taun, en olabat garra faindim haus blanga im du.

Joshuwa 20:6

“Wal im lau jidan langa det taun raidap detlot pipul langa det taun garra kotim im, en if dei faindat trubala im nomo bin min blanga kilim det sambodi, wal im gin jidan langa det taun raidap det haibala serramonimen garra dai, en wen det serramonimen dai, wal ebrijing kliya blanga ebribodi, en afta det men gin gobek langa im ronwan kantri en jidan friwan.” Lagijat na Joshuwa bin dalim ola Isreil pipul.

Joshuwa 20:8

En deibin pikimat thribala taun sanraisaid brom det Jodan Riba deya langa det hil kantri sanraisaid brom Jeriko. Deibin pikimat Besa deya langa det kantri blanga Rubin klen, en deibin pikimat Remoth deya langa det kantri gulum Giliyad blanga Ged klen, en deibin pikimat Golan deya langa det kantri gulum Beishan blanga Manesa klen.