Joshuwa 20:8 - Kriol Baibul

⁸ En deibin pikimat thribala taun sanraisaid brom det Jodan Riba deya langa det hil kantri sanraisaid brom Jeriko. Deibin pikimat Besa deya langa det kantri blanga Rubin klen, en deibin pikimat Remoth deya langa det kantri gulum Giliyad blanga Ged klen, en deibin pikimat Golan deya langa det kantri gulum Beishan blanga Manesa klen.

Joshuwa 20:8 Iomraidhean Croise

Fes Kings 22:6

Brom deya King Eiheb bin majurrumap ola speshalwan mesinja. Deibin jidan 400 mesinja, en imbin askim olabat, “Im rait if melabat go en fait langa detlot pipul langa det taun gulum Remoth o najing?” Detlot speshalwan mesinja bin tok “Yu go, dumaji YAWEI garra album yu bidim olabat.”

Sekan Kings 8:28

Wal King Eihesaiya bin album King Joram brom Isreil blanga fait langa King Heiseiyel brom Siriya. Ol detlot amimob bin fait langa King Heiseiyel brom Siriya langa det taun gulum Remoth deya langa det kantri gulum Giliyad, en deya na Joram bin gulijap gitkil.

Dyudaranami 3:10

En wibin teikoba det kantri Beishan brom King Og weya imbin jidan bos langa ola taun langa det fletwan kantri deya langa det hil kantri, en det dubala kantri gulum Giliyad en Beishan en raidap sanraiswei langa det dubala taun neim Salaka en Idrei.

Dyudaranami 4:43

Langa det Rubin klen det seifwan taun bin Besa langa det fletwan deset kantri. En langa det Ged klen det seifwan taun bin Remoth langa det kantri gulum Giliyad. En langa det Manesa klen det seifwan taun bin Golan langa det kantri gulum Beishan.

Joshuwa 20:7

Afta na detlot Isreil pipul bin pikimat siksbala speshalwan taun. Deibin pikimat thribala taun sangodansaid brom det Jodan Riba. Deibin pikimat Kedish deya langa det kantri gulum Gelali langa det hil kantri blanga Neftali klen, en deibin pikimat Shekam deya langa det hil kantri blanga Ifreiyim klen, en deibin pikimat Hebran deya langa det hil kantri blanga Juda klen.

Joshuwa 20:9

Detlot siksbala taun na deibin pikimat blanga jidan speshalwan taun, en if eni Isreil pipul o najalot pipul bin kilim enibodi ded, wen dei nomo bin min blanga kilim im, wal nomo enibodi bin lau peiyimbek im en kilim im deya langa det taun. Bat wen dei kotim im en deib in faindat imbin min blanga kilim det sambodi ded, wal deibin lau kilim im ded du.

Joshuwa 21:27

Wal deibin gibit ola femili blanga Geshan dislot taun na. Brom det kantri blanga Manesa klen deibin gibit olabat det dubala taun gulum Bishtara en Golan garram ola pedik. Golan bin deya langa det kantri gulum Beishan, en imbin speshalwan taun dumaji nobodi bin lau kilim enibodi deya.

Joshuwa 21:36

En brom det kantri blanga Rubin klen deibin gibit olabat detlot fobala taun gulum Besa, Jeihas,

Joshuwa 21:38

En brom det kantri blanga Ged klen deibin gibit olabat detlot fobala taun gulum Mahanaiyim, Heshban, Jeisa en Remoth garram ola pedik. Remoth bin deya langa det kantri gulum Giliyad, en imbin speshalwan taun dumaji nobodi bin lau kilim enibodi deya.