Joshuwa 20:1 - Kriol Baibul

¹ Brom deya YAWEI det trubala God bin dalim Joshuwa blanga go en tok langa ola Isreil pipul,

Joshuwa 20:1 Iomraidhean Croise

Eksadas 21:13

If im nomo bin wandi kilim det men ded, wal im garra gowei langa det pleis weya God garra pikimat, en dei kaan kilim im ded deya.

Nambas 35:10

“Yu garra dalim ola Isreil pipul wen yumob krosoba det Jodan Riba en go langa det kantri gulum Keinan,

Nambas 35:9

Wal YAWEI bin dalim Mosis,

Dyudaranami 19:1

Wal Mosis bin kipgon tok, “Wal bambai YAWEI det trubala God garra binijimap ola pipul weya jidan langa det kantri weya im garra gibit yumob. Deya na yumob garra jidan langa olabat kemp en langa olabat taun.

Joshuwa 19:51

Wal lagijat na ola Isreil pipul bin kadimat ol detlot kantri sangodansaid brom det Jodan Riba. Deibin majurrumap miselp deya langa det taun gulum Shailo garram det serramonimen neim Eliyeisa en garram Joshuwa en ola najalot bos blanga olabat, en deya na lida langa det Seikridwan Tent blanga YAWEI, Joshuwa bin tjakambat det dubala speshalwan ston blanga faindat wujan kantri YAWEI bin gibit langa ebri femili. Lagijat na deibin ol gedim olabat ronwan kantri.

Joshuwa 20:2

en Joshuwa bin go, en imbin dalim detlot pipul, “YAWEI bin dalim mi blanga dalim yumob blanga pikimat sambala speshalwan taun jis laik Mosis bin dalim mi longtaim.

Joshuwa 5:14

Wal det men bin tok, “Nomo. Mi bos blanga ola solja blanga YAWEI det trubala God.” Wal Joshuwa bin tjakamdan miselp langa graun blanga shoum det men imbin rispek langa im, en Joshuwa bin tok, “Mi wekinmen blanga yu, bos. Wanim yu wandim?”

Joshuwa 6:2

Afta na YAWEI det trubala God bin dalim Joshuwa, “Ai garra gibit det taun langa yu, en ai garra meigim yu bidim det king en im solja olabat.

Joshuwa 7:10

Wal YAWEI bin dalim Joshuwa, “Yu gidap! Yu nomo leidanbat deya en askim mi wotfo!