Joshuwa 2:7 - Kriol Baibul

⁷ Wal detlot solja bin go lukabat det dubala Isreil men na, en deibin jadimap det geit blanga det taun biyain langa olabat. Detlot solja bin lukabat det dubala men langa det mein roud raidap langa det pleis weya deibin oldei krosim det Jodan Riba.

Joshuwa 2:7 Iomraidhean Croise

Eks Hau Det Gudnyus Blanga Jisas Krais Bin Spredat Ebriweya 5:23

“Wen melabat bin kamat langa det jeil, melabat nomo bin faindim enibodi deya. Bat det jeil bin lok en ola blijiman bin deya jandapbat.”

Joshuwa 2:5

en wen imbin sangodan bifo deibin jadimap det geit blanga dijan taun, detlot men bin gowei, en ai nomo sabi weya deibin go. Bat if yumob ran kwikbala, yumob mait gajimap olabat.” Lagijat na det gel bin tok.

Joshuwa 2:8

Bat det dubala men bin stil deya langa det taun. Dubala bin wandi silip ontop langa det haus blanga det gel. Bat bifo dubala bin silip, det gel bin gowap, en imbin tok langa dubala,

Jadjis 12:5

en wen detlot Ifreiyim solja bin trai ranawei, detlot Giliyad solja bin go langa det Jodan Riba, en deibin jandap ebriweya weya detlot Ifreiyim solja bin wandi krosim det riba, en wen eni Ifreiyim solja bin kaman en askim olabat blanga krosim det riba, deibin oldei askim im, “Yu brom det Ifreiyim klen?”

Jadjis 3:28

en imbin dalim olabat, “Yumob garra bulurrum mi, dumaji YAWEI garra meigim yumob strongbala blanga fait langa detlot Moweb pipul, en wi garra win.” Wal deibin ol bulurrum Ihud brom ontop langa det hil raidap langa det Jodan Riba, en deibin teikoba ola krosing langa det riba, en dei nomo bin larram enibodi krosim det riba blanga gobek langa det Moweb kantri.