Joshuwa 2:18 - Kriol Baibul

¹⁸ Bat yu irrim minbala na. Wen melabat kambek langa dijan taun, yu garra deigim dijan redwan string en taiyimap im langa det windo weya yubin pudumdan minbala, en yu garra majurrumap ola femilimob blanga yu, en yumob garra jidan insaid langa dijan haus.

Joshuwa 2:18 Iomraidhean Croise

Jenasis 12:2

Deya na ai garra meigim yu grenfatha blanga bigiswan traib, en ai garra kipgon jidan kainbala langa yu, en ola pipul garra gudbinji dumaji ai garra meigim yu neim haibala.

Jenasis 7:1

Afta na YAWEI det trubala God bin tok langa Nowa, “Aibin luk ebribodi langa ola kantri oldei dumbat nogudbala ting, en aibin faindim oni yu na dumbat gudbala ting. Wal yu gowin insaid langa det bout na garram yu femili olabat, dumaji ai garra seibum yumob.

Esta 8:6

Mi brabli nogudbinji wen mi jinggabat wanim garra hepin langa ol main pipul en femili olabat. Wanim ai garra dum?”

Eksadas 12:13

En wen ai luk detlot blad weya yumob bin rabum langa yumob haus, ai garra pasim detlot haus, en ai kaan tatjim yumob wen ai panishim detlot najalot pipul, dumaji detlot blad na garra jidan mak blanga yumob.

Brabli Gudwan Song 4:3

Blanga yu mawus, im jis laik redwan ribin. En wen yu toktokbat, yu luk brabli purdiwan. Wen yu gaburrumap miselp, yu feis stil shain biyain langa det heinggitjif.

Labidakas 14:4

det serramonimen garra dalim sambodi blanga bringimap dubala klinwan bard blanga serramoni deya mijamet garram det wud brom det sidatri en wanbala redwan roup, en detlot bushis brom det tri gulum hisap.

Nambas 19:6

Afta im garra gajim sambala wud brom det sidatri, en sambala bushis gulum hisap en redwan roup en tjakam olabat langa det faiya.

Nambas 4:8

Dei garra spredimat det redwan reig oba langa det teibul en ola ebrijing en pudum sofwan letha ontop en dei garra pudum det dubala pol langa detlot fobala ring blanga garrimap det boks.

Luk Bin Dalim Ola Stori Blanga Jisas Langa Wan Jintail Men 19:9

Wal Jisas bin dalim det shotwan men, “Tudei na God bin seibum yu en ola femili blanga yu, dumaji yu rileishan blanga Eibrahem,

Eks Hau Det Gudnyus Blanga Jisas Krais Bin Spredat Ebriweya 10:27

Wal Pida bin kipgon toktok langa Koniliyas, en dubala bin gowin langa det haus, en deya na Pida bin faindim loda pipul bin hipap deya,

Eks Hau Det Gudnyus Blanga Jisas Krais Bin Spredat Ebriweya 10:33

en aibin jandim det thribala men blanga gajim yu, en yubin meigim mi gudbinji, dumaji yubin kaman. Wal melabat ol iya na, en God im iya garram wi du. Wal yu dalim melabat wanim det bos bin dalim yu blanga dalim melabat.”

Eks Hau Det Gudnyus Blanga Jisas Krais Bin Spredat Ebriweya 11:14

‘Yu garra jandim sambodi langa Jopa blanga lukabat Saiman Pida, dumaji im garra gibit yu det wed blanga seibum yu en yu femili olabat.’

Sekan Timathi 1:16

Bat nomo det men neim Onesafras. Im nomo bin sheim weya aibin jidan langa jeil iya langa dijan taun gulum Rom, en wen imbin kamat iya, streidawei imbin lukabat mi raidap imbin faindim mi, en imbin oldei kaman en meigim mi gudbinji. Wal God garra kain langa Onesafras en im femili. En yu sabi du wen aibin deya langa det taun gulum Efasas weya yu jidan, Onesafras bin oldei albumbat mi. En wen det rait taim garra kaman weya God garra jadjim ebribodi, wal det Bos blanga wi garra kain langa Onesafras.

Hibrus 9:19

Longtaim wen Mosis bin dalimbat ol detlot lowa langa detlot pipul, imbin gajim sambala blad brom gabigabi, en imbin miksimap det blad garram woda, en imbin deigim sambala redwan wul en bushis gulum hisap, en imbin sokum langa det blad, en afta imbin sheikim det bushis garram blad ontop langa det buk garram ola lowa en ontop langa ola pipul,

Joshuwa 2:21

Wal det gel bin agri langa dubala, en imbin jandimwei dubala na, en wen dubala bin gowei, imbin taiyimap det redwan string langa det windo.

Joshuwa 6:23

Wal det dubala men bin go na, en dubala bin gajim det gel garram im dedi en im mami en im braja olabat en ola najalot femili blanga im, en dubala bin deigim olabat holot longwei brom det taun, en deibin kemp wansaid langa det pleis weya ola Isreil pipul bin kemp.

Joshuwa 6:25

Wal nobodi brom det taun bin jidan laibala na. Oni det gel en im femili olabat bin jidan laibala. Joshuwa bin larram olabat jidan laibala, dumaji det gel bin lukaftum det dubala men hubin go lukaran det taun basdam. En brom det taim na detlot femili blanga det gel bin oldei jidan garram ola Isreil pipul.