Joshuwa 2:12 - Kriol Baibul

^12-13 “Wal yunbala garra meigim pramis langa mi. Aibin kain langa yunbala. En yunbala garra kain langa mi en main femili olabat du. Yunbala garra jinggabat main dedi en main mami en main braja en main sista en ola femili blanga olabat. En yunbala kaan larram mi en main femili olabat dai. Det pramis na yunbala garra meigim langa mi, en yunbala garra seibum melabat. En yunbala garra gibit mi samting blanga jidan pruf wulijim ai gin bilib langa yunbala.” Lagijat na det gel bin tok langa det dubala Isreil men.

Joshuwa 2:12 Iomraidhean Croise

Jenasis 21:23

Wal yu meigim pramis garram mi tudei, en God garra jidan witnis blanga yunmi. Yu pramisim mi nomo blanga trikim mi en main biginini olabat, dumaji aibin gud langa yu weya yubin jidan streinja langa main kantri, en yu garra tridim mi en main kantrimen olabat gudbalawei du.”

Jenasis 24:3

En YAWEI hubin meigim skai en ola kantri garra jidan witnis blanga yunmi, dumaji im lukinat yunmi tudei weya yu meigim dijan pramis garram mi. “Wal iya na det pramis weya yu garra meigim garram mi. Yu garra faindim waif blanga main san Aisik. Bat yu kaan faindim waif blanga im brom dijan kantri Keinan weya wi jidanbat olataim.

Jenasis 24:9

Brom deya det wekinmen bin sheikhen langa Eibrahem blanga meigim det pramis.

Jenasis 40:14

“Wal yu garra jinggabat mi wen yu jidan gudbala deya atsaid.

Sekan Kranakuls 36:13

Wal basdam King Nebakanesa bin fosim King Sedakaiya blanga meigim pramis langa God neim blanga jidan trubala langa King Nebakanesa. Bat King Sedakaiya bin gibit bekboun langa YAWEI det trubala God blanga ola Isreil pipul, en imbin gibit bekboun langa King Nebakanesa du.

Esta 8:6

Mi brabli nogudbinji wen mi jinggabat wanim garra hepin langa ol main pipul en femili olabat. Wanim ai garra dum?”

Eksadas 12:13

En wen ai luk detlot blad weya yumob bin rabum langa yumob haus, ai garra pasim detlot haus, en ai kaan tatjim yumob wen ai panishim detlot najalot pipul, dumaji detlot blad na garra jidan mak blanga yumob.

Jeramaiya 12:16

Olabat bin titjimbat main pipul blanga weshipbat det drimin gulum Beil. Bat if olabat tok, ‘Oni YAWEI na det trubala God’, en if olabat larram main ronwan pipul titjimbat olabat blanga weship mi, wal olabat garra jidan main ronwan pipul du.

Mak Bin Dalim Ola Stori Blanga Jisas 14:44

Wal Judas bin tok langa detlot pipul bifo deibin kamat langa Jisas, “Det men weya ai garra kis, im na yumob garra grebum im en deigidawei im en nomo larram im ranawei.”

Romans 1:31

en dei nomo garram det gudwan filing insaid langa olabat blanga dalim olabat wanim rait en rong, en dei nomo kipum olabat ron wed, en dei nomo kain en sori langa enibodi.

Fes Timathi 5:8

En if enibodi nomo lukaftumbat im kantrimen olabat, wal im rabishim det trubalawan wed weya wi bilib. En if im nomo lukaftumbat im ronwan femili olabat, wal im jidan mowa nogudwan langa detlot pipul hu nomo bilib langa Jisas Krais.

Jeims 2:13

en wen God garra abum det laswan kotkeis garram ebribodi, im kaan kain langa enibodi hu nomo bin kain langa najalot pipul. Bat det sambodi hubin kain langa ebribodi, wal im garra go fri.

Joshuwa 2:18

Bat yu irrim minbala na. Wen melabat kambek langa dijan taun, yu garra deigim dijan redwan string en taiyimap im langa det windo weya yubin pudumdan minbala, en yu garra majurrumap ola femilimob blanga yu, en yumob garra jidan insaid langa dijan haus.

Joshuwa 2:19

If enibodi go atsaid, im garra dai. Wal tharran im ronwan folt. Im nomo folt blanga melabat. Bat if sambodi kaman en ardim yumob insaid langa dijan haus, wal im folt blanga melabat, en melabat garra pei.

Joshuwa 6:22

Afta na Joshuwa bin dalim det dubala men hubin lukaran det taun basdam, “Yunbala go langa det haus blanga det gel, en yunbala bringimap im en im femili olabat jis laik weya yunbala bin meigim pramis langa im.”

Joshuwa 9:15

Afta na Joshuwa bin meigim pramis langa detlot pipul, “Ola Isreil pipul kaan kilim ol yumob pipul langa det taun gulum Gibiyan. Dei garra larram yumob jidan laibala.” En ola boswan blanga ol detlot Isreil pipul bin agri langa det pramis, en afta wen deibin meigim det pramis, ol detlot Gibiyan pipul bin gobek langa det taun na.

Jadjis 1:24

en wen deibin luk wanbala men bin kamat brom det taun, deibin grebum im, en deibin askim im, “If yu shoum melabat hau melabat solja gin gowin langa det taun, wal melabat kaan kilim yu.”

Fes Semyul 30:15

Wal Deibid bin askim im, “Yu gin deigim mi langa olabat?” Wal det lilboi bin tok, “Yuwai, ai gin deigim yu. Bat yu garra meigim pramis langa mi nomo blanga kilim mi o jandimbek mi langa main bos. Brabliwei yu garra meigim det pramis.”